၇-၁. သပ္ပစ္စယဒုက-ကုသလတ္တိကံ
၁-၂. ကုသလာကုသလပဒံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁. သပ္ပစ္စယံ ကုသလံ ဓမ္မံ ပဋိစ္စ သပ္ပစ္စယော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ).
၂. ဟေတုယာ ဧကံ၊ အာရမ္မဏေ ဧကံ၊ အဓိပတိယာ ဧကံ။ပေ။ အဝိဂတေ ဧကံ (သံခိတ္တံ).
နအဓိပတိပစ္စယော
၃. သပ္ပစ္စယံ ကုသလံ ဓမ္မံ ပဋိစ္စ သပ္ပစ္စယော ကုသလော ဓမ္မော ဥပ္ပဇ္ဇတိ နအဓိပတိပစ္စယာ (သံခိတ္တံ).
၄. နအဓိပတိယာ ဧကံ၊ နပုရေဇာတေ ဧကံ၊ နပစ္ဆာဇာတေ ဧကံ၊ နအာသေဝနေ ဧကံ၊ နကမ္မေ ဧကံ၊ နဝိပါကေ ဧကံ၊ နဝိပ္ပယုတ္တေ ဧကံ (သံခိတ္တံ).
(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)
ပစ္စယစတုက္ကံ
ဟေတုပစ္စယော
၅. သပ္ပစ္စယော ကုသလော ဓမ္မော သပ္ပစ္စယဿ ကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ).
၆. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
၇. သပ္ပစ္စယံ အကုသလံ ဓမ္မံ ပဋိစ္စ သပ္ပစ္စယော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၈. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ. (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ).
၃. အဗျာကတပဒံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၉. သပ္ပစ္စယံ အဗျာကတံ ဓမ္မံ ပဋိစ္စ သပ္ပစ္စယော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၁၀. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
နဟေတုယာ ဧကံ၊ နအာရမ္မဏေ ဧကံ၊ နအဓိပတိယာ ဧကံ (သဗ္ဗတ္ထ ဧကံ၊ သံခိတ္တံ).
ပစ္စယစတုက္ကံ
ဟေတုပစ္စယာဒိ
၁၁. သပ္ပစ္စယော အဗျာကတော ဓမ္မော သပ္ပစ္စယဿ အဗျာကတဿ ဓမ္မဿ ဟေတုပစ္စယေန ပစ္စယော. (၁)
သပ္ပစ္စယော အဗျာကတော ဓမ္မော သပ္ပစ္စယဿ အဗျာကတဿ ဓမ္မဿ အာရမ္မဏပစ္စယေန ပစ္စယော. (၁)
အပ္ပစ္စယော အဗျာကတော ဓမ္မော သပ္ပစ္စယဿ အဗျာကတဿ ဓမ္မဿ အာရမ္မဏပစ္စယေန ပစ္စယော. (၁)
သပ္ပစ္စယော အဗျာကတော ဓမ္မော သပ္ပစ္စယဿ အဗျာကတဿ ဓမ္မဿ ဥပနိဿယပစ္စယေန ပစ္စယော. (၁)
အပ္ပစ္စယော အဗျာကတော ဓမ္မော သပ္ပစ္စယဿ အဗျာကတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော. (၁) (သံခိတ္တံ.)
ဟေတုယာ ဧကံ၊ အာရမ္မဏေ ဒွေ၊ အဓိပတိယာ ဒွေ၊ အနန္တရေ ဧကံ။ပေ။ နိဿယေ ဧကံ၊ ဥပနိဿယေ ဒွေ၊ ပုရေဇာတေ ဧကံ၊ ပစ္ဆာဇာတေ ဧကံ၊ (သဗ္ဗတ္ထ ဧကံ)၊ အဝိဂတေ ဧကံ (သံခိတ္တံ).
ပစ္စနီယုဒ္ဓါရော
၁၂. သပ္ပစ္စယော အဗျာကတော ဓမ္မော သပ္ပစ္စယဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော.
အပ္ပစ္စယော အဗျာကတော ဓမ္မော သပ္ပစ္စယဿ အဗျာကတဿ ဓမ္မဿ အာရမ္မဏပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).
၁၃. နဟေတုယာ ဒွေ၊ နအာရမ္မဏေ ဧကံ (သံခိတ္တံ).
ဟေတုပစ္စယာ နအာရမ္မဏေ ဧကံ (သံခိတ္တံ).
နဟေတုပစ္စယာ အာရမ္မဏေ ဒွေ (သံခိတ္တံ).
သပ္ပစ္စယဒုကကုသလတ္တိကံ နိဋ္ဌိတံ.
၈-၁. သင်္ခတဒုက-ကုသလတ္တိကံ
၁၄. သင်္ခတံ ကုသလံ ဓမ္မံ ပဋိစ္စ သင်္ခတော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ. သပ္ပစ္စယသဒိသံ ဝိတ္ထာရေတဗ္ဗံ).
သင်္ခတဒုကကုသလတ္တိကံ နိဋ္ဌိတံ.
၉-၁. သနိဒဿနဒုက-ကုသလတ္တိကံ
၁. ကုသလပဒံ
၁-၆. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၅. အနိဒဿနံ ကုသလံ ဓမ္မံ ပဋိစ္စ အနိဒဿနော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၁၆. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ. (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၂. အကုသလပဒံ
ဟေတုပစ္စယော
၁၇. အနိဒဿနံ အကုသလံ ဓမ္မံ ပဋိစ္စ အနိဒဿနော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၁၈. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ. (သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၃. အဗျာကတပဒံ
ဟေတုပစ္စယော
၁၉. အနိဒဿနံ အဗျာကတံ ဓမ္မံ ပဋိစ္စ အနိဒဿနော အဗျာကတော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၂၀. ဟေတုယာ တီဏိ၊ အာရမ္မဏေ ဧကံ၊ အဓိပတိယာ တီဏိ။ပေ။ အဝိဂတေ တီဏိ (သံခိတ္တံ).
နဟေတုယာ တီဏိ (သဗ္ဗတ္ထ တီဏိ)၊ နကမ္မေ တီဏိ၊ နဝိပါကေ တီဏိ၊ နအာဟာရေ တီဏိ။ပေ။ နောဝိဂတေ တီဏိ (သံခိတ္တံ).
(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)
၇. ပဉှာဝါရော
ပစ္စယစတုက္ကံ
ဟေတုပစ္စယာဒိ
၂၁. အနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ ဟေတုပစ္စယေန ပစ္စယော။ တီဏိ.
သနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ အာရမ္မဏပစ္စယေန ပစ္စယော. (၁)
အနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ အာရမ္မဏပစ္စယေန ပစ္စယော. (၁)
သနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ. (၁)
အနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အနိဒဿနော အဗျာကတော ဓမ္မော သနိဒဿနဿ အဗျာကတဿ စ အနိဒဿနဿ အဗျာကတဿ စ ဓမ္မဿ အဓိပတိပစ္စယေန ပစ္စယော – သဟဇာတာဓိပတိ. (၂)
သနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ ဥပနိဿယပစ္စယေန ပစ္စယော – ပကတူပနိဿယော. (၁)
အနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. (၁) (သံခိတ္တံ.)
၂၂. ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ ဧကံ၊ ကမ္မေ တီဏိ၊ ဝိပါကေ တီဏိ၊ (သဗ္ဗတ္ထ တီဏိ) သမ္ပယုတ္တေ ဧကံ၊ ဝိပ္ပယုတ္တေ တီဏိ၊ အတ္ထိယာ ပဉ္စ၊ နတ္ထိယာ ဧကံ။ပေ။ အဝိဂတေ ပဉ္စ. (သံခိတ္တံ.)
သနိဒဿနဒုကကုသလတ္တိကံ နိဋ္ဌိတံ.
(အပ္ပစ္စယမ္ပိ အသင်္ခတမ္ပိ သနိဒဿနမ္ပိ န လဗ္ဘတိ.)
၁၀-၁. သပ္ပဋိဃဒုက-ကုသလတ္တိကံ
၁-၂. ကုသလာကုသလပဒံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၃. အပ္ပဋိဃံ ကုသလံ ဓမ္မံ ပဋိစ္စ အပ္ပဋိဃော ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၂၄. ဟေတုယာ ဧကံ၊ အာရမ္မဏေ ဧကံ။ပေ။ ဝိပ္ပယုတ္တေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ.)
၂၅. အပ္ပဋိဃံ အကုသလံ ဓမ္မံ ပဋိစ္စ အပ္ပဋိဃော အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
ဟေတုယာ ဧကံ။ပေ။ အဝိဂတေ ဧကံ (ပဉှာဝါရေပိ သဗ္ဗတ္ထ ဧကံ.)
၃. အဗျာကတပဒံ
၁-၆. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၆. သပ္ပဋိဃံ အဗျာကတံ ဓမ္မံ ပဋိစ္စ သပ္ပဋိဃော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. သပ္ပဋိဃံ အဗျာကတံ ဓမ္မံ ပဋိစ္စ အပ္ပဋိဃော အဗျာကတော ဓမ္မော ဥပ္ပဇ္ဇတိ ဟေတုပစ္စယာ. သပ္ပဋိဃံ အဗျာကတံ ဓမ္မံ ပဋိစ္စ သပ္ပဋိဃော အဗျာကတော စ အပ္ပဋိဃော အဗျာကတော စ ဓမ္မာ ဥပ္ပဇ္ဇန္တိ ဟေတုပစ္စယာ။ နဝ.
အပ္ပဋိဃံ အဗျာကတံ ဓမ္မံ ပဋိစ္စ အပ္ပဋိဃော အဗျာကတော ဓမ္မော ဥပ္ပဇ္ဇတိ အာရမ္မဏပစ္စယာ (သံခိတ္တံ).
၂၇. ဟေတုယာ နဝ၊ အာရမ္မဏေ ဧကံ၊ အဓိပတိယာ နဝ။ပေ။ အညမညေ ဆ၊ နိဿယေ နဝ၊ ဥပနိဿယေ ဧကံ၊ ပုရေဇာတေ အာသေဝနေ ဧကံ၊ ကမ္မေ နဝ၊ ဝိပါကေ နဝ။ပေ။ အဝိဂတေ နဝ (သံခိတ္တံ).
နဟေတုပစ္စယော
၂၈. သပ္ပဋိဃံ အဗျာကတံ ဓမ္မံ ပဋိစ္စ သပ္ပဋိဃော အဗျာကတော ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ).
၂၉. နဟေတုယာ နဝ။ပေ။ နောဝိဂတေ နဝ (သဗ္ဗတ္ထ နဝ၊ သံခိတ္တံ).
၇. ပဉှာဝါရော
ပစ္စယစတုက္ကံ
ဟေတုပစ္စယော
၃၀. အပ္ပဋိဃော အဗျာကတော ဓမ္မော အပ္ပဋိဃဿ အဗျာကတဿ ဓမ္မဿ ဟေတုပစ္စယေန ပစ္စယော. (၃) (သံခိတ္တံ.)
၃၁. ဟေတုယာ တီဏိ၊ အာရမ္မဏေ ဒွေ၊ အဓိပတိယာ တီဏိ၊ အနန္တရေ ဧကံ၊ သမနန္တရေ ဧကံ၊ သဟဇာတေ နဝ၊ အညမညေ ဆ၊ နိဿယေ နဝ၊ ဥပနိဿယေ ဒွေ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ ဧကံ၊ ကမ္မေ တီဏိ၊ ဝိပါကေ တီဏိ၊ အာဟာရေ တီဏိ၊ ဣန္ဒြိယေ ပဉ္စ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ ဧကံ၊ ဝိပ္ပယုတ္တေ စတ္တာရိ၊ အတ္ထိယာ နဝ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ နဝ.
ပစ္စနီယုဒ္ဓါရော
၃၂. သပ္ပဋိဃော အဗျာကတော ဓမ္မော သပ္ပဋိဃဿ အဗျာကတဿ ဓမ္မဿ သဟဇာတပစ္စယေန ပစ္စယော (သံခိတ္တံ).
၃၃. နဟေတုယာ နဝ၊ နအာရမ္မဏေ နဝ (သံခိတ္တံ).
ဟေတုပစ္စယာ နအာရမ္မဏေ တီဏိ (သံခိတ္တံ).
နဟေတုပစ္စယာ အာရမ္မဏေ ဒွေ (သံခိတ္တံ).
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)
သပ္ပဋိဃဒုကကုသလတ္တိကံ နိဋ္ဌိတံ.
၁၁-၁. ရူပီဒုက-ကုသလတ္တိကံ
၁-၂. ကုသလာကုသလပဒံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၃၄. အရူပိံ ကုသလံ ဓမ္မံ ပဋိစ္စ အရူပီ ကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၃၅. ဟေတုယာ ဧကံ၊ အာရမ္မဏေ ဧကံ (သံခိတ္တံ. သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ).
၃၆. အရူပိံ အကုသလံ ဓမ္မံ ပဋိစ္စ အရူပီ အကုသလော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၃၇. ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ. သဟဇာတဝါရေပိ။ပေ။ ပဉှာဝါရေပိ သဗ္ဗတ္ထ ဧကံ).
၃. အဗျာကတပဒံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတု-အာရမ္မဏပစ္စယာ
၃၈. ရူပိံ အဗျာကတံ ဓမ္မံ ပဋိစ္စ ရူပီ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
အရူပိံ အဗျာကတံ ဓမ္မံ ပဋိစ္စ အရူပီ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ရူပိံ အဗျာကတဉ္စ အရူပိံ အဗျာကတဉ္စ ဓမ္မံ ပဋိစ္စ ရူပီ အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ရူပိံ အဗျာကတံ ဓမ္မံ ပဋိစ္စ အရူပီ အဗျာကတော ဓမ္မော ဥပ္ပဇ္ဇတိ အာရမ္မဏပစ္စယာ (သံခိတ္တံ).
၃၉. ဟေတုယာ နဝ၊ အာရမ္မဏေ တီဏိ၊ အဓိပတိယာ ပဉ္စ၊ အနန္တရေ တီဏိ၊ သမနန္တရေ တီဏိ။ပေ။ အညမညေ ဆ။ပေ။ ပုရေဇာတေ ဧကံ၊ အာသေဝနေ ဧကံ၊ ကမ္မေ နဝ၊ ဝိပါကေ နဝ။ပေ။ အဝိဂတေ နဝ (သံခိတ္တံ).
၄၀. နဟေတုယာ နဝ၊ နအာရမ္မဏေ တီဏိ၊ နအဓိပတိယာ နဝ။ပေ။ နကမ္မေ ဒွေ၊ နဝိပါကေ ပဉ္စ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဒွေ၊ နမဂ္ဂေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ ဒွေ၊ နောနတ္ထိယာ တီဏိ၊ နောဝိဂတေ တီဏိ (သံခိတ္တံ၊ ပစ္စနီယံ).
ပစ္စယစတုက္ကံ
ဟေတုပစ္စယော
၄၁. အရူပီ အဗျာကတော ဓမ္မော အရူပိဿ အဗျာကတဿ ဓမ္မဿ ဟေတုပစ္စယေန ပစ္စယော (သံခိတ္တံ).
၄၂. ဟေတုယာ တီဏိ၊ အာရမ္မဏေ ဒွေ၊ အဓိပတိယာ တီဏိ၊ အနန္တရေ ဧကံ၊ သမနန္တရေ ဧကံ၊ သဟဇာတေ သတ္တ၊ အညမညေ ဆ၊ နိဿယေ သတ္တ၊ ဥပနိဿယေ ဒွေ၊ ပုရေဇာတေ ဧကံ၊ ပစ္ဆာဇာတေ ဧကံ၊ အာသေဝနေ ဧကံ၊ ကမ္မေ တီဏိ၊ ဝိပါကေ တီဏိ၊ အာဟာရေ စတ္တာရိ၊ ဣန္ဒြိယေ ဆ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ ဧကံ၊ ဝိပ္ပယုတ္တေ ဒွေ။ပေ။ အဝိဂတေ သတ္တ (သံခိတ္တံ).
နဟေတုယာ သတ္တ၊ နအာရမ္မဏေ သတ္တ (သံခိတ္တံ).
ဟေတုပစ္စယာ နအာရမ္မဏေ တီဏိ (သံခိတ္တံ).
နဟေတုပစ္စယာ အာရမ္မဏေ ဒွေ (သံခိတ္တံ).
(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)
ရူပီဒုကကုသလတ္တိကံ နိဋ္ဌိတံ.
၁၁-၁. လောကိယဒုက-ကုသလတ္တိကံ
၁. ကုသလပဒံ
၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၄၃. လောကိယံ ကုသလံ ဓမ္မံ ပဋိစ္စ လောကိယော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)
လောကုတ္တရံ ကုသလံ ဓမ္မံ ပဋိစ္စ လောကုတ္တရော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)
လောကိယံ ကုသလံ ဓမ္မံ ပဋိစ္စ လောကိယော ကုသလော ဓမ္မော ဥပ္ပဇ္ဇတိ အာရမ္မဏပစ္စယာ. (၁)
လောကုတ္တရံ ကုသလံ ဓမ္မံ ပဋိစ္စ လောကုတ္တရော ကုသလော ဓမ္မော ဥပ္ပဇ္ဇတိ အာရမ္မဏပစ္စယာ. (၁) (သံခိတ္တံ.)
၄၄. ဟေတုယာ ဒွေ၊ အာရမ္မဏေ ဒွေ၊ အဓိပတိယာ ဒွေ။ပေ။ ကမ္မေ ဒွေ။ပေ။ အဝိဂတေ ဒွေ (သံခိတ္တံ၊ အနုလောမံ).
၄၅. နအဓိပတိယာ ဒွေ။ပေ။ နအာသေဝနေ ဧကံ။ပေ။ နဝိပ္ပယုတ္တေ ဒွေ (သံခိတ္တံ).
(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)
ပစ္စယစတုက္ကံ
ဟေတုပစ္စယာဒိ
၄၆. လောကိယော ကုသလော ဓမ္မော လောကိယဿ ကုသလဿ ဓမ္မဿ ဟေတုပစ္စယေန ပစ္စယော. (၁)
လောကုတ္တရော ကုသလော ဓမ္မော လောကုတ္တရဿ ကုသလဿ ဓမ္မဿ ဟေတုပစ္စယေန ပစ္စယော. (၁)
လောကိယော ကုသလော ဓမ္မော လောကိယဿ ကုသလဿ ဓမ္မဿ အာရမ္မဏပစ္စယေန ပစ္စယော. (၁)
လောကုတ္တရော ကုသလော ဓမ္မော လောကိယဿ ကုသလဿ ဓမ္မဿ အာရမ္မဏပစ္စယေန ပစ္စယော. (၁)