၇. ပဉှာဝါရော

ပစ္စယစတုက္ကံ

ဟေတုပစ္စယာဒိ

၂၁. အနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ ဟေတုပစ္စယေန ပစ္စယော။ တီဏိ.

သနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ အာရမ္မဏပစ္စယေန ပစ္စယော. (၁)

အနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ အာရမ္မဏပစ္စယေန ပစ္စယော. (၁)

သနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ. (၁)

အနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အနိဒဿနော အဗျာကတော ဓမ္မော သနိဒဿနဿ အဗျာကတဿ စ အနိဒဿနဿ အဗျာကတဿ စ ဓမ္မဿ အဓိပတိပစ္စယေန ပစ္စယော – သဟဇာတာဓိပတိ. (၂)

သနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ ဥပနိဿယပစ္စယေန ပစ္စယော – ပကတူပနိဿယော. (၁)

အနိဒဿနော အဗျာကတော ဓမ္မော အနိဒဿနဿ အဗျာကတဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. (၁) (သံခိတ္တံ.)

၂၂. ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ ဧကံ၊ ကမ္မေ တီဏိ၊ ဝိပါကေ တီဏိ၊ (သဗ္ဗတ္ထ တီဏိ) သမ္ပယုတ္တေ ဧကံ၊ ဝိပ္ပယုတ္တေ တီဏိ၊ အတ္ထိယာ ပဉ္စ၊ နတ္ထိယာ ဧကံ။ပေ။ အဝိဂတေ ပဉ္စ. (သံခိတ္တံ.)

သနိဒဿနဒုကကုသလတ္တိကံ နိဋ္ဌိတံ.

(အပ္ပစ္စယမ္ပိ အသင်္ခတမ္ပိ သနိဒဿနမ္ပိ န လဗ္ဘတိ.)