၁-၆. ပဋိစ္စဝါရာဒိ

ပစ္စယစတုက္ကံ

ဟေတု-အာရမ္မဏပစ္စယာ

၁. သဟေတုကံ ကုသလံ ဓမ္မံ ပဋိစ္စ သဟေတုကော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

သဟေတုကံ ကုသလံ ဓမ္မံ ပဋိစ္စ သဟေတုကော ကုသလော ဓမ္မော ဥပ္ပဇ္ဇတိ အာရမ္မဏပစ္စယာ. (၁) (သံခိတ္တံ.)

၂. ဟေတုယာ ဧကံ၊ အာရမ္မဏေ ဧကံ၊ အဓိပတိယာ ဧကံ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကံ၊ အညမညေ ဧကံ၊ နိဿယေ ဧကံ၊ ဥပနိဿယေ ဧကံ၊ ပုရေဇာတေ ဧကံ၊ အာသေဝနေ ဧကံ၊ ကမ္မေ ဧကံ၊ အာဟာရေ ဧကံ။ပေ။ အဝိဂတေ ဧကံ (သံခိတ္တံ).

ပစ္စနီယံ

နအဓိပတိပစ္စယော

၃. သဟေတုကံ ကုသလံ ဓမ္မံ ပဋိစ္စ သဟေတုကော ကုသလော ဓမ္မော ဥပ္ပဇ္ဇတိ နအဓိပတိပစ္စယာ (သံခိတ္တံ).

၄. နအဓိပတိယာ ဧကံ၊ နပုရေဇာတေ ဧကံ၊ နပစ္ဆာဇာတေ ဧကံ၊ နအာသေဝနေ ဧကံ၊ နကမ္မေ ဧကံ၊ နဝိပါကေ ဧကံ၊ နဝိပ္ပယုတ္တေ ဧကံ (သံခိတ္တံ).

ဟေတုပစ္စယာ နအဓိပတိယာ ဧကံ (သံခိတ္တံ).

နအဓိပတိပစ္စယာ ဟေတုယာ ဧကံ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)