၇. ပဉှာဝါရော

ပစ္စယစတုက္ကံ

ဟေတု-အာရမ္မဏပစ္စယာ

၅. သဟေတုကော ကုသလော ဓမ္မော သဟေတုကဿ ကုသလဿ ဓမ္မဿ ဟေတုပစ္စယေန ပစ္စယော. (၁)

သဟေတုကော ကုသလော ဓမ္မော သဟေတုကဿ ကုသလဿ ဓမ္မဿ အာရမ္မဏပစ္စယေန ပစ္စယော. (၁) (သံခိတ္တံ.)

၆. ဟေတုယာ ဧကံ၊ အာရမ္မဏေ ဧကံ၊ အဓိပတိယာ ဧကံ၊ အနန္တရေ ဧကံ၊ သမနန္တရေ ဧကံ၊ သဟဇာတေ ဧကံ၊ အညမညေ ဧကံ၊ နိဿယေ ဧကံ၊ ဥပနိဿယေ ဧကံ၊ အာသေဝနေ ဧကံ၊ ကမ္မေ ဧကံ၊ အာဟာရေ ဧကံ၊ ဣန္ဒြိယေ ဧကံ၊ ဈာနေ ဧကံ၊ မဂ္ဂေ ဧကံ၊ သမ္ပယုတ္တေ ဧကံ၊ အတ္ထိယာ ဧကံ၊ နတ္ထိယာ ဧကံ၊ ဝိဂတေ ဧကံ၊ အဝိဂတေ ဧကံ (သံခိတ္တံ).

ပစ္စနီယုဒ္ဓါရော

၇. သဟေတုကော ကုသလော ဓမ္မော သဟေတုကဿ ကုသလဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော.

၈. နဟေတုယာ ဧကံ၊ နအာရမ္မဏေ ဧကံ (သံခိတ္တံ).

ဟေတုပစ္စယာ နအာရမ္မဏေ ဧကံ (သံခိတ္တံ).

နဟေတုပစ္စယာ အာရမ္မဏေ ဧကံ (သံခိတ္တံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)