အနုတ္တရပဒံ

၅၇. ကုသလံ အနုတ္တရံ ဓမ္မံ ပဋိစ္စ ကုသလော အနုတ္တရော ဓမ္မော ဥပ္ပဇ္ဇတိ ဟေတုပစ္စယာ. (၁)

အဗျာကတံ အနုတ္တရံ ဓမ္မံ ပဋိစ္စ အဗျာကတော အနုတ္တရော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ).

၅၈. ကုသလော အနုတ္တရော ဓမ္မော ကုသလဿ အနုတ္တရဿ ဓမ္မဿ ဟေတုပစ္စယေန ပစ္စယော. (၁)

အဗျာကတော အနုတ္တရော ဓမ္မော အဗျာကတဿ အနုတ္တရဿ ဓမ္မဿ ဟေတုပစ္စယေန ပစ္စယော. (၁)

အဗျာကတော အနုတ္တရော ဓမ္မော အဗျာကတဿ အနုတ္တရဿ ဓမ္မဿ အာရမ္မဏပစ္စယေန ပစ္စယော. (၁)

အဗျာကတော အနုတ္တရော ဓမ္မော ကုသလဿ အနုတ္တရဿ ဓမ္မဿ အာရမ္မဏပစ္စယေန ပစ္စယော. (၁) (သံခိတ္တံ.)

၅၉. ဟေတုယာ ဒွေ၊ အာရမ္မဏေ ဒွေ၊ အဓိပတိယာ တီဏိ၊ အနန္တရေ ဒွေ။ပေ။ အဝိဂတေ ဒွေ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)