၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၃၂၂. ဟေတုံ နေဝါစယဂါမိနာပစယဂါမိံ ဓမ္မံ ပဋိစ္စ ဟေတု နေဝါစယဂါမိနာပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ နေဝါစယဂါမိနာပစယဂါမိံ ဓမ္မံ ပဋိစ္စ နဟေတု နေဝါစယဂါမိနာပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ နေဝါစယဂါမိနာပစယဂါမိဉ္စ နဟေတုံ နေဝါစယဂါမိနာပစယဂါမိဉ္စ ဓမ္မံ ပဋိစ္စ ဟေတု နေဝါစယဂါမိနာပစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၃၂၃. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ ဥပနိဿယေ နဝ၊ ပုရေဇာတေ နဝ၊ အာသေဝနေ နဝ၊ ကမ္မေ နဝ၊ ဝိပါကေ နဝ၊ အာဟာရေ နဝ၊ ဣန္ဒြိယေ နဝ။ပေ။ အဝိဂတေ နဝ (သံခိတ္တံ).

နဟေတုပစ္စယာဒိ

၃၂၄. နဟေတုံ နေဝါစယဂါမိနာပစယဂါမိံ ဓမ္မံ ပဋိစ္စ နဟေတု နေဝါစယဂါမိနာပစယဂါမီ ဓမ္မော ဥပ္ပဇ္ဇတိ နဟေတုပစ္စယာ. (၁)

ဟေတုံ နေဝါစယဂါမိနာပစယဂါမိံ ဓမ္မံ ပဋိစ္စ နဟေတု နေဝါစယဂါမိနာပစယဂါမီ ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

နဟေတုံ နေဝါစယဂါမိနာပစယဂါမိံ ဓမ္မံ ပဋိစ္စ နဟေတု နေဝါစယဂါမိနာပစယဂါမီ ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ဟေတုံ နေဝါစယဂါမိနာပစယဂါမိဉ္စ နဟေတုံ နေဝါစယဂါမိနာပစယဂါမိဉ္စ ဓမ္မံ ပဋိစ္စ နဟေတု နေဝါစယဂါမိနာပစယဂါမီ ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ဟေတုံ နေဝါစယဂါမိနာပစယဂါမိံ ဓမ္မံ ပဋိစ္စ ဟေတု နေဝါစယဂါမိနာပစယဂါမီ ဓမ္မော ဥပ္ပဇ္ဇတိ နအဓိပတိပစ္စယာ။ပေ။.

ဟေတုံ နေဝါစယဂါမိနာပစယဂါမိံ ဓမ္မံ ပဋိစ္စ ဟေတု နေဝါစယဂါမိနာပစယဂါမီ ဓမ္မော ဥပ္ပဇ္ဇတိ နပုရေဇာတပစ္စယာ။ တီဏိ.

ဟေတုံ နေဝါစယဂါမိနာပစယဂါမိံ ဓမ္မံ ပဋိစ္စ ဟေတု နေဝါစယဂါမိနာပစယဂါမီ ဓမ္မော ဥပ္ပဇ္ဇတိ နပစ္ဆာဇာတပစ္စယာ။ပေ။.

ဟေတုံ နေဝါစယဂါမိနာပစယဂါမိံ ဓမ္မံ ပဋိစ္စ နဟေတု နေဝါစယဂါမိနာပစယဂါမီ ဓမ္မော ဥပ္ပဇ္ဇတိ နကမ္မပစ္စယာ (သံခိတ္တံ).

၃၂၅. နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ နဝ၊ နောနတ္ထိယာ တီဏိ၊ နောဝိဂတေ တီဏိ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ ဧကံ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)