၁-၆. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၃၀၆. ဟေတုံ အာစယဂါမိံ ဓမ္မံ ပဋိစ္စ ဟေတု အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
နဟေတုံ အာစယဂါမိံ ဓမ္မံ ပဋိစ္စ နဟေတု အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.
ဟေတုံ အာစယဂါမိဉ္စ နဟေတုံ အာစယဂါမိဉ္စ ဓမ္မံ ပဋိစ္စ ဟေတု အာစယဂါမီ ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).
၃၀၇. ဟေတုယာ နဝ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ။ပေ။ အဝိဂတေ နဝ (သံခိတ္တံ).
နဟေတု-နအဓိပတိပစ္စယာ
၃၀၈. နဟေတုံ အာစယဂါမိံ ဓမ္မံ ပဋိစ္စ ဟေတု အာစယဂါမီ ဓမ္မော ဥပ္ပဇ္ဇတိ နဟေတုပစ္စယာ. (၁)
ဟေတုံ အာစယဂါမိံ ဓမ္မံ ပဋိစ္စ ဟေတု အာစယဂါမီ ဓမ္မော ဥပ္ပဇ္ဇတိ နအဓိပတိပစ္စယာ (သံခိတ္တံ).
၃၀၉. နဟေတုယာ ဧကံ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ).
ဟေတုပစ္စယာ နအဓိပတိယာ နဝ (သံခိတ္တံ).
နဟေတုပစ္စယာ အာရမ္မဏေ ဧကံ (သံခိတ္တံ).
(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)