၁-၆. ပဋိစ္စဝါရာဒိ

၂၅၀. ဟေတုံ ဥပေက္ခာသဟဂတံ ဓမ္မံ ပဋိစ္စ ဟေတု ဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ ဥပေက္ခာသဟဂတံ ဓမ္မံ ပဋိစ္စ နဟေတု ဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ ဥပေက္ခာသဟဂတဉ္စ နဟေတုံ ဥပေက္ခာသဟဂတဉ္စ ဓမ္မံ ပဋိစ္စ ဟေတု ဥပေက္ခာသဟဂတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၂၅၁. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ ကမ္မေ နဝ၊ ဝိပါကေ နဝ။ပေ။ အဝိဂတေ နဝ (သံခိတ္တံ).

၂၅၂. နဟေတုံ ဥပေက္ခာသဟဂတံ ဓမ္မံ ပဋိစ္စ နဟေတု ဥပေက္ခာသဟဂတော ဓမ္မော ဥပ္ပဇ္ဇတိ နဟေတုပစ္စယာ။ ဒွေ.

ဟေတုံ ဥပေက္ခာသဟဂတံ ဓမ္မံ ပဋိစ္စ ဟေတု ဥပေက္ခာသဟဂတော ဓမ္မော ဥပ္ပဇ္ဇတိ နအဓိပတိပစ္စယာ။ နဝ.

ဟေတုံ ဥပေက္ခာသဟဂတံ ဓမ္မံ ပဋိစ္စ ဟေတု ဥပေက္ခာသဟဂတော ဓမ္မော ဥပ္ပဇ္ဇတိ နပုရေဇာတပစ္စယာ။ နဝ.

ဟေတုံ ဥပေက္ခာသဟဂတံ ဓမ္မံ ပဋိစ္စ ဟေတု ဥပေက္ခာသဟဂတော ဓမ္မော ဥပ္ပဇ္ဇတိ နပစ္ဆာဇာတပစ္စယာ။ နဝ (သံခိတ္တံ).

၂၅၃. နဟေတုယာ ဒွေ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ နဝ (သံခိတ္တံ).

ဟေတုပစ္စယာ နအဓိပတိယာ နဝ (သံခိတ္တံ).

နဟေတုပစ္စယာ အာရမ္မဏေ ဒွေ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)