၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၂၂၆. ဟေတုံ အဝိတက္ကအဝိစာရံ ဓမ္မံ ပဋိစ္စ ဟေတု အဝိတက္ကအဝိစာရော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

၂၂၇. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ ကမ္မေ နဝ၊ ဝိပါကေ နဝ။ပေ။ ဝိဂတေ နဝ၊ အဝိဂတေ နဝ (သံခိတ္တံ).

နဟေတုပစ္စယာဒိ

၂၂၈. နဟေတုံ အဝိတက္ကအဝိစာရံ ဓမ္မံ ပဋိစ္စ နဟေတု အဝိတက္ကအဝိစာရော ဓမ္မော ဥပ္ပဇ္ဇတိ နဟေတုပစ္စယာ. (၁)

ဟေတုံ အဝိတက္ကအဝိစာရံ ဓမ္မံ ပဋိစ္စ နဟေတု အဝိတက္ကအဝိစာရော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

နဟေတုံ အဝိတက္ကအဝိစာရံ ဓမ္မံ ပဋိစ္စ နဟေတု အဝိတက္ကအဝိစာရော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ဟေတုံ အဝိတက္ကအဝိစာရဉ္စ နဟေတုံ အဝိတက္ကအဝိစာရဉ္စ ဓမ္မံ ပဋိစ္စ နဟေတု အဝိတက္ကအဝိစာရော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ဟေတုံ အဝိတက္ကအဝိစာရံ ဓမ္မံ ပဋိစ္စ ဟေတု အဝိတက္ကအဝိစာရော ဓမ္မော ဥပ္ပဇ္ဇတိ နအဓိပတိပစ္စယာ။ နဝ (သံခိတ္တံ).

၂၂၉. နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ နဝ၊ နောနတ္ထိယာ တီဏိ၊ နောဝိဂတေ တီဏိ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ ဧကံ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)