၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၁၇၇. ဟေတုံ အနုပါဒိန္နအနုပါဒါနိယံ ဓမ္မံ ပဋိစ္စ ဟေတု အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ အနုပါဒိန္နအနုပါဒါနိယံ ဓမ္မံ ပဋိစ္စ နဟေတု အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ အနုပါဒိန္နအနုပါဒါနိယဉ္စ နဟေတုံ အနုပါဒိန္နအနုပါဒါနိယဉ္စ ဓမ္မံ ပဋိစ္စ ဟေတု အနုပါဒိန္နအနုပါဒါနိယော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၁၇၈. ဟေတုယာ နဝ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ နဝ၊ အာသေဝနေ နဝ၊ ကမ္မေ နဝ၊ ဝိပါကေ နဝ၊ အာဟာရေ နဝ၊ ဣန္ဒြိယေ နဝ၊ ဈာနေ နဝ၊ မဂ္ဂေ နဝ၊ သမ္ပယုတ္တေ နဝ၊ ဝိပ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

နအဓိပတိပစ္စယော

၁၇၉. ဟေတုံ အနုပါဒိန္နအနုပါဒါနိယံ ဓမ္မံ ပဋိစ္စ ဟေတု အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ. ဟေတုံ အနုပါဒိန္နအနုပါဒါနိယံ ဓမ္မံ ပဋိစ္စ နဟေတု အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ. (၂)

နဟေတုံ အနုပါဒိန္နအနုပါဒါနိယံ ဓမ္မံ ပဋိစ္စ နဟေတု အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ. နဟေတုံ အနုပါဒိန္နအနုပါဒါနိယံ ဓမ္မံ ပဋိစ္စ ဟေတု အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ. (၂)

ဟေတုံ အနုပါဒိန္နအနုပါဒါနိယဉ္စ နဟေတုံ အနုပါဒိန္နအနုပါဒါနိယဉ္စ ဓမ္မံ ပဋိစ္စ ဟေတု အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ. ဟေတုံ အနုပါဒိန္နအနုပါဒါနိယဉ္စ နဟေတုံ အနုပါဒိန္နအနုပါဒါနိယဉ္စ ဓမ္မံ ပဋိစ္စ နဟေတု အနုပါဒိန္နအနုပါဒါနိယော ဓမ္မော ဥပ္ပဇ္ဇတိ နအဓိပတိပစ္စယာ. (၂) (သံခိတ္တံ.)

၁၈၀. နအဓိပတိယာ ဆ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ).

ဟေတုပစ္စယာ နအဓိပတိယာ ဆ (သံခိတ္တံ).

နအဓိပတိပစ္စယာ ဟေတုယာ ဆ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)