၇. ပဉှာဝါရော

ပစ္စယစတုက္ကံ

ဟေတုပစ္စယာဒိ

၁၁၃. ဟေတု ဝိပါကော ဓမ္မော ဟေတုဿ ဝိပါကဿ ဓမ္မဿ ဟေတုပစ္စယေန ပစ္စယော။ တီဏိ.

၁၁၄. ဟေတု ဝိပါကော ဓမ္မော ဟေတုဿ ဝိပါကဿ ဓမ္မဿ အာရမ္မဏပစ္စယေန ပစ္စယော။ တီဏိ.

နဟေတု ဝိပါကော ဓမ္မော နဟေတုဿ ဝိပါကဿ ဓမ္မဿ အာရမ္မဏပစ္စယေန ပစ္စယော။ တီဏိ.

ဟေတု ဝိပါကော စ နဟေတု ဝိပါကော စ ဓမ္မာ ဟေတုဿ ဝိပါကဿ ဓမ္မဿ အာရမ္မဏပစ္စယေန ပစ္စယော။ တီဏိ (တဒါရမ္မဏာယေဝ လဗ္ဘန္တိ).

၁၁၅. ဟေတု ဝိပါကော ဓမ္မော ဟေတုဿ ဝိပါကဿ ဓမ္မဿ အဓိပတိပစ္စယေန ပစ္စယော။ တီဏိ (သဟဇာတာဓိပတိယေဝ လဗ္ဘတိ၊ အာရမ္မဏာဓိပတိ နတ္ထိ)။ပေ။.

ဥပနိဿယပစ္စယာဒိ

၁၁၆. ဟေတု ဝိပါကော ဓမ္မော ဟေတုဿ ဝိပါကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော. ဟေတု ဝိပါကော ဓမ္မော နဟေတုဿ ဝိပါကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော. ဟေတု ဝိပါကော ဓမ္မော ဟေတုဿ ဝိပါကဿ စ နဟေတုဿ ဝိပါကဿ စ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော. (၃)

နဟေတု ဝိပါကော ဓမ္မော နဟေတုဿ ဝိပါကဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော၊ ပကတူပနိဿယော။ပေ။ (ဣတရေ ဒွေ အနန္တရူပနိဿယော ပကတူပနိဿယောယေဝ).

၁၁၇. နဟေတု ဝိပါကော ဓမ္မော နဟေတုဿ ဝိပါကဿ ဓမ္မဿ ကမ္မပစ္စယေန ပစ္စယော။ တီဏိ (သဟဇာတကမ္မမေဝ၊ သံခိတ္တံ).

ဟေတု ဝိပါကော ဓမ္မော ဟေတုဿ ဝိပါကဿ ဓမ္မဿ ဝိပါကပစ္စယေန ပစ္စယော။ နဝ.

နဟေတု ဝိပါကော ဓမ္မော နဟေတုဿ ဝိပါကဿ ဓမ္မဿ အာဟာရပစ္စယေန ပစ္စယော (သံခိတ္တံ).

၁၁၈. ဟေတုယာ တီဏိ၊ အာရမ္မဏေ နဝ၊ အဓိပတိယာ ဆ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ကမ္မေ တီဏိ၊ ဝိပါကေ နဝ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (အနုလောမံ).

ပစ္စနီယုဒ္ဓါရော

၁၁၉. ဟေတု ဝိပါကော ဓမ္မော ဟေတုဿ ဝိပါကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၁၂၀. နဟေတုယာ နဝ၊ နအာရမ္မဏေ နဝ (သံခိတ္တံ၊ ပစ္စနီယံ).

ဟေတုပစ္စယာ နအာရမ္မဏေ တီဏိ (သံခိတ္တံ၊ အနုလောမပစ္စနီယံ).

နဟေတုပစ္စယာ အာရမ္မဏေ နဝ (သံခိတ္တံ၊ ပစ္စနီယာနုလောမံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)