၇. ပဉှာဝါရော

ပစ္စယစတုက္ကံ

ဟေတုပစ္စယာဒိ

၅၄၉. ဟေတု အနိဒဿနအပ္ပဋိဃော ဓမ္မော ဟေတုဿ အနိဒဿနအပ္ပဋိဃဿ ဓမ္မဿ ဟေတုပစ္စယေန ပစ္စယော။ တီဏိ.

ဟေတု အနိဒဿနအပ္ပဋိဃော ဓမ္မော ဟေတုဿ အနိဒဿနအပ္ပဋိဃဿ ဓမ္မဿ အာရမ္မဏပစ္စယေန ပစ္စယော။ နဝ.

ဟေတု အနိဒဿနအပ္ပဋိဃော ဓမ္မော ဟေတုဿ အနိဒဿနအပ္ပဋိဃဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ.

နဟေတု အနိဒဿနအပ္ပဋိဃော ဓမ္မော နဟေတုဿ အနိဒဿနအပ္ပဋိဃဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ သဟဇာတာဓိပတိ။ တီဏိ.

ဟေတု အနိဒဿနအပ္ပဋိဃော စ နဟေတု အနိဒဿနအပ္ပဋိဃော စ ဓမ္မာ ဟေတုဿ အနိဒဿနအပ္ပဋိဃဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ။ တီဏိ (သံခိတ္တံ).

၅၅၀. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ တီဏိ၊ ဝိပါကေ နဝ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (သံခိတ္တံ).

ပစ္စနီယုဒ္ဓါရော

၅၅၁. ဟေတု အနိဒဿနအပ္ပဋိဃော ဓမ္မော ဟေတုဿ အနိဒဿနအပ္ပဋိဃဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၅၅၂. နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)

ဟေတုဒုကသနိဒဿနသပ္ပဋိဃတ္တိကံ နိဋ္ဌိတံ.