၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၅၀၁. ဟေတုံ ပစ္စုပ္ပန္နာရမ္မဏံ ဓမ္မံ ပဋိစ္စ ဟေတု ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ ပစ္စုပ္ပန္နာရမ္မဏံ ဓမ္မံ ပဋိစ္စ နဟေတု ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ ပစ္စုပ္ပန္နာရမ္မဏဉ္စ နဟေတုံ ပစ္စုပ္ပန္နာရမ္မဏဉ္စ ဓမ္မံ ပဋိစ္စ ဟေတု ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၅၀၂. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ ကမ္မေ နဝ။ပေ။ အဝိဂတေ နဝ (သံခိတ္တံ).

နဟေတု-နအဓိပတိပစ္စယာ

၅၀၃. နဟေတုံ ပစ္စုပ္ပန္နာရမ္မဏံ ဓမ္မံ ပဋိစ္စ နဟေတု ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ နဟေတုပစ္စယာ. နဟေတုံ ပစ္စုပ္ပန္နာရမ္မဏံ ဓမ္မံ ပဋိစ္စ ဟေတု ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ နဟေတုပစ္စယာ. (၂)

ဟေတုံ ပစ္စုပ္ပန္နာရမ္မဏံ ဓမ္မံ ပဋိစ္စ ဟေတု ပစ္စုပ္ပန္နာရမ္မဏော ဓမ္မော ဥပ္ပဇ္ဇတိ နအဓိပတိပစ္စယာ (သံခိတ္တံ).

၅၀၄. နဟေတုယာ ဒွေ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဈာနေ ဧကံ၊ နမဂ္ဂေ ဧကံ၊ နဝိပ္ပယုတ္တေ နဝ (သံခိတ္တံ).

ဟေတုပစ္စယာ နအဓိပတိယာ နဝ (သံခိတ္တံ).

နဟေတုပစ္စယာ အာရမ္မဏေ ဒွေ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)