၇. ပဉှာဝါရော

ပစ္စယစတုက္ကံ

ဟေတုပစ္စယာဒိ

၄၈၁. ဟေတု ပစ္စုပ္ပန္နော ဓမ္မော ဟေတုဿ ပစ္စုပ္ပန္နဿ ဓမ္မဿ ဟေတုပစ္စယေန ပစ္စယော။ တီဏိ.

နဟေတု ပစ္စုပ္ပန္နော ဓမ္မော နဟေတုဿ ပစ္စုပ္ပန္နဿ ဓမ္မဿ အာရမ္မဏပစ္စယေန ပစ္စယော။ တီဏိ.

ဟေတု ပစ္စုပ္ပန္နော ဓမ္မော ဟေတုဿ ပစ္စုပ္ပန္နဿ ဓမ္မဿ အဓိပတိပစ္စယေန ပစ္စယော – သဟဇာတာဓိပတိ။ တီဏိ.

နဟေတု ပစ္စုပ္ပန္နော ဓမ္မော နဟေတုဿ ပစ္စုပ္ပန္နဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ.

ဟေတု ပစ္စုပ္ပန္နော ဓမ္မော ဟေတုဿ ပစ္စုပ္ပန္နဿ ဓမ္မဿ သဟဇာတပစ္စယေန ပစ္စယော (သံခိတ္တံ).

၄၈၂. ဟေတုယာ တီဏိ၊ အာရမ္မဏေ တီဏိ၊ အဓိပတိယာ ဆ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ ကမ္မေ တီဏိ၊ ဝိပါကေ နဝ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ ဝိပ္ပယုတ္တေ ပဉ္စ၊ အတ္ထိယာ နဝ၊ အဝိဂတေ နဝ (သံခိတ္တံ).

ပစ္စနီယုဒ္ဓါရော

၄၈၃. ဟေတု ပစ္စုပ္ပန္နော ဓမ္မော ဟေတုဿ ပစ္စုပ္ပန္နဿ ဓမ္မဿ သဟဇာတပစ္စယေန ပစ္စယော (သံခိတ္တံ).

၄၈၄. နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ တီဏိ (သံခိတ္တံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ. ဣမမှိ ဒုကတိကေ ပဋိစ္စဝါရမ္ပိ သဟဇာတဝါရမ္ပိ ပစ္စယဝါရမ္ပိ နိဿယဝါရမ္ပိ သံသဋ္ဌဝါရမ္ပိ သမ္ပယုတ္တဝါရမ္ပိ အတီတမ္ပိ အနာဂတမ္ပိ နတ္ထိ.)

ဟေတုဒုကအတီတတ္တိကံ နိဋ္ဌိတံ.