၇. ပဉှာဝါရော

ပစ္စယစတုက္ကံ

ဟေတုပစ္စယော

၈၈. ဟေတု ဒုက္ခာယ ဝေဒနာယ သမ္ပယုတ္တော ဓမ္မော ဟေတုဿ ဒုက္ခာယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော. ဟေတု ဒုက္ခာယ ဝေဒနာယ သမ္ပယုတ္တော ဓမ္မော နဟေတုဿ ဒုက္ခာယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော. ဟေတု ဒုက္ခာယ ဝေဒနာယ သမ္ပယုတ္တော ဓမ္မော ဟေတုဿ ဒုက္ခာယ ဝေဒနာယ သမ္ပယုတ္တဿ စ နဟေတုဿ ဒုက္ခာယ ဝေဒနာယ သမ္ပယုတ္တဿ စ ဓမ္မဿ ဟေတုပစ္စယေန ပစ္စယော. (၃)

အာရမ္မဏပစ္စယာဒိ

၈၉. ဟေတု ဒုက္ခာယ ဝေဒနာယ သမ္ပယုတ္တော ဓမ္မော ဟေတုဿ ဒုက္ခာယ ဝေဒနာယ သမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ တီဏိ.

နဟေတု ဒုက္ခာယ ဝေဒနာယ သမ္ပယုတ္တော ဓမ္မော နဟေတုဿ ဒုက္ခာယ ဝေဒနာယ သမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ တီဏိ.

ဟေတု ဒုက္ခာယ ဝေဒနာယ သမ္ပယုတ္တော စ နဟေတု ဒုက္ခာယ ဝေဒနာယ သမ္ပယုတ္တော စ ဓမ္မာ ဟေတုဿ ဒုက္ခာယ ဝေဒနာယ သမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ).

၉၀. နဟေတု ဒုက္ခာယ ဝေဒနာယ သမ္ပယုတ္တော ဓမ္မော နဟေတုဿ ဒုက္ခာယ ဝေဒနာယ သမ္ပယုတ္တဿ ဓမ္မဿ ကမ္မပစ္စယေန ပစ္စယော။ တီဏိ (သံခိတ္တံ).

၉၁. ဟေတုယာ တီဏိ၊ အာရမ္မဏေ နဝ၊ အဓိပတိယာ တီဏိ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ ဝိပါကေ ဧကံ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (အနုလောမံ).

ပစ္စနီယုဒ္ဓါရော

၉၂. ဟေတု ဒုက္ခာယ ဝေဒနာယ သမ္ပယုတ္တော ဓမ္မော ဟေတုဿ ဒုက္ခာယ ဝေဒနာယ သမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၉၃. နဟေတုယာ နဝ၊ နအာရမ္မဏေ နဝ၊ နအဓိပတိယာ နဝ (သံခိတ္တံ၊ ပစ္စနီယံ).

ဟေတုပစ္စယာ နအာရမ္မဏေ တီဏိ (သံခိတ္တံ၊ အနုလောမပစ္စနီယံ).

နဟေတုပစ္စယာ အာရမ္မဏေ နဝ (သံခိတ္တံ၊ ပစ္စနီယာနုလောမံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)