၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၄၆၉. ဟေတုံ မဂ္ဂါဓိပတိံ ဓမ္မံ ပဋိစ္စ ဟေတု မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ မဂ္ဂါဓိပတိံ ဓမ္မံ ပဋိစ္စ နဟေတု မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ မဂ္ဂါဓိပတိဉ္စ နဟေတုံ မဂ္ဂါဓိပတိဉ္စ ဓမ္မံ ပဋိစ္စ ဟေတု မဂ္ဂါဓိပတိ ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၄၇၀. ဟေတုယာ နဝ၊ အာရမ္မဏေ နဝ။ပေ။ ကမ္မေ နဝ၊ အာဟာရေ နဝ။ပေ။ အဝိဂတေ နဝ (သံခိတ္တံ).

နအဓိပတိပစ္စယော

၄၇၁. ဟေတုံ မဂ္ဂါဓိပတိံ ဓမ္မံ ပဋိစ္စ ဟေတု မဂ္ဂါဓိပတိ ဓမ္မော ဥပ္ပဇ္ဇတိ နအဓိပတိပစ္စယာ (သံခိတ္တံ).

၄၇၂. နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ).

ဟေတုပစ္စယာ နအဓိပတိယာ နဝ (သံခိတ္တံ).

နအဓိပတိပစ္စယာ ဟေတုယာ နဝ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)