၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၄၆၁. ဟေတုံ မဂ္ဂဟေတုကံ ဓမ္မံ ပဋိစ္စ ဟေတု မဂ္ဂဟေတုကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ မဂ္ဂဟေတုကံ ဓမ္မံ ပဋိစ္စ နဟေတု မဂ္ဂဟေတုကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ မဂ္ဂဟေတုကဉ္စ နဟေတုံ မဂ္ဂဟေတုကဉ္စ ဓမ္မံ ပဋိစ္စ ဟေတု မဂ္ဂဟေတုကော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၄၆၂. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ အာသေဝနေ နဝ၊ ကမ္မေ နဝ၊ အာဟာရေ နဝ၊ ဣန္ဒြိယေ နဝ။ပေ။ အဝိဂတေ နဝ (သံခိတ္တံ).

နအဓိပတိပစ္စယော

၄၆၃. ဟေတုံ မဂ္ဂဟေတုကံ ဓမ္မံ ပဋိစ္စ ဟေတု မဂ္ဂဟေတုကော ဓမ္မော ဥပ္ပဇ္ဇတိ နအဓိပတိပစ္စယာ (သံခိတ္တံ).

၄၆၄. နအဓိပတိယာ ဆ၊ နပုရေဇာတေ နဝ၊ နပစ္ဆာဇာတေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ).

ဟေတုပစ္စယာ နအဓိပတိယာ ဆ (သံခိတ္တံ).

နအဓိပတိပစ္စယာ ဟေတုယာ ဆ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)