၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၄၅၃. ဟေတုံ မဂ္ဂါရမ္မဏံ ဓမ္မံ ပဋိစ္စ ဟေတု မဂ္ဂါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ မဂ္ဂါရမ္မဏံ ဓမ္မံ ပဋိစ္စ နဟေတု မဂ္ဂါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ မဂ္ဂါရမ္မဏဉ္စ နဟေတုံ မဂ္ဂါရမ္မဏဉ္စ ဓမ္မံ ပဋိစ္စ ဟေတု မဂ္ဂါရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၄၅၄. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ ကမ္မေ နဝ။ပေ။ အဝိဂတေ နဝ (သံခိတ္တံ).

နဟေတုပစ္စယော

၄၅၅. နဟေတုံ မဂ္ဂါရမ္မဏံ ဓမ္မံ ပဋိစ္စ နဟေတု မဂ္ဂါရမ္မဏော ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ).

၄၅၆. နဟေတုယာ ဧကံ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နမဂ္ဂေ ဧကံ၊ နဝိပ္ပယုတ္တေ နဝ (သံခိတ္တံ).

ဟေတုပစ္စယာ နအဓိပတိယာ နဝ (သံခိတ္တံ).

နဟေတုပစ္စယာ အာရမ္မဏေ ဧကံ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)