၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၄၄၅. ဟေတုံ အနိယတံ ဓမ္မံ ပဋိစ္စ ဟေတု အနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ အနိယတံ ဓမ္မံ ပဋိစ္စ နဟေတု အနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ အနိယတဉ္စ နဟေတုံ အနိယတဉ္စ ဓမ္မံ ပဋိစ္စ ဟေတု အနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၄၄၆. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ ကမ္မေ နဝ၊ ဝိပါကေ နဝ။ပေ။ အဝိဂတေ နဝ (သံခိတ္တံ).

နဟေတု-နအာရမ္မဏပစ္စယာ

၄၄၇. နဟေတုံ အနိယတံ ဓမ္မံ ပဋိစ္စ နဟေတု အနိယတော ဓမ္မော ဥပ္ပဇ္ဇတိ နဟေတုပစ္စယာ. နဟေတုံ အနိယတံ ဓမ္မံ ပဋိစ္စ ဟေတု အနိယတော ဓမ္မော ဥပ္ပဇ္ဇတိ နဟေတုပစ္စယာ. (၂)

ဟေတုံ အနိယတံ ဓမ္မံ ပဋိစ္စ နဟေတု အနိယတော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

နဟေတုံ အနိယတံ ဓမ္မံ ပဋိစ္စ နဟေတု အနိယတော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ဟေတုံ အနိယတဉ္စ နဟေတုံ အနိယတဉ္စ ဓမ္မံ ပဋိစ္စ နဟေတု အနိယတော ဓမ္မော ဥပ္ပဇ္ဇတိ နအာရမ္မဏပစ္စယာ. (၁) (သံခိတ္တံ.)

၄၄၈. နဟေတုယာ ဒွေ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ နဝ၊ နောနတ္ထိယာ တီဏိ၊ နောဝိဂတေ တီဏိ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ ဒွေ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)