၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၄၃၇. ဟေတုံ သမ္မတ္တနိယတံ ဓမ္မံ ပဋိစ္စ ဟေတု သမ္မတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ သမ္မတ္တနိယတံ ဓမ္မံ ပဋိစ္စ နဟေတု သမ္မတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ သမ္မတ္တနိယတဉ္စ နဟေတုံ သမ္မတ္တနိယတဉ္စ ဓမ္မံ ပဋိစ္စ ဟေတု သမ္မတ္တနိယတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၄၃၈. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ ပုရေဇာတေ နဝ၊ အာသေဝနေ နဝ၊ ကမ္မေ နဝ၊ အာဟာရေ နဝ။ပေ။ အဝိဂတေ နဝ (သံခိတ္တံ).

နအဓိပတိပစ္စယော

၄၃၉. ဟေတုံ သမ္မတ္တနိယတံ ဓမ္မံ ပဋိစ္စ ဟေတု သမ္မတ္တနိယတော ဓမ္မော ဥပ္ပဇ္ဇတိ နအဓိပတိပစ္စယာ (သံခိတ္တံ).

၄၄၀. နအဓိပတိယာ ဆ၊ နပုရေဇာတေ နဝ၊ နပစ္ဆာဇာတေ နဝ၊ နကမ္မေ တီဏိ၊ နဝိပါကေ နဝ၊ နဝိပ္ပယုတ္တေ နဝ (သံခိတ္တံ).

ဟေတုပစ္စယာ နအဓိပတိယာ ဆ (သံခိတ္တံ).

နအဓိပတိပစ္စယာ ဟေတုယာ ဆ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)