၇. ပဉှာဝါရော

ပစ္စယစတုက္ကံ

ဟေတု-အဓိပတိပစ္စယာ

၄၃၃. ဟေတု မိစ္ဆတ္တနိယတော ဓမ္မော ဟေတုဿ မိစ္ဆတ္တနိယတဿ ဓမ္မဿ ဟေတုပစ္စယေန ပစ္စယော။ တီဏိ.

နဟေတု မိစ္ဆတ္တနိယတော ဓမ္မော နဟေတုဿ မိစ္ဆတ္တနိယတဿ ဓမ္မဿ အဓိပတိပစ္စယေန ပစ္စယော – သဟဇာတာဓိပတိ။ တီဏိ (သံခိတ္တံ).

၄၃၄. ဟေတုယာ တီဏိ၊ အဓိပတိယာ တီဏိ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ကမ္မေ တီဏိ၊ အာဟာရေ တီဏိ၊ ဣန္ဒြိယေ တီဏိ၊ ဈာနေ တီဏိ၊ မဂ္ဂေ တီဏိ၊ သမ္ပယုတ္တေ နဝ၊ အတ္ထိယာ နဝ၊ အဝိဂတေ နဝ (သံခိတ္တံ).

ပစ္စနီယုဒ္ဓါရော

၄၃၅. ဟေတု မိစ္ဆတ္တနိယတော ဓမ္မော ဟေတုဿ မိစ္ဆတ္တနိယတဿ ဓမ္မဿ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၄၃၆. နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအဓိပတိယာ တီဏိ (သံခိတ္တံ).

နဟေတုပစ္စယာ အဓိပတိယာ တီဏိ (သံခိတ္တံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)