၇. ပဉှာဝါရော

ပစ္စယစတုက္ကံ

ဟေတုပစ္စယော

၇၄. ဟေတု သုခါယ ဝေဒနာယ သမ္ပယုတ္တော ဓမ္မော ဟေတုဿ သုခါယ ဝေဒနာယ သမ္ပယုတ္တဿ ဓမ္မဿ ဟေတုပစ္စယေန ပစ္စယော။ တီဏိ.

အာရမ္မဏပစ္စယာဒိ

၇၅. ဟေတု သုခါယ ဝေဒနာယ သမ္ပယုတ္တော ဓမ္မော ဟေတုဿ သုခါယ ဝေဒနာယ သမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ တီဏိ.

နဟေတု သုခါယ ဝေဒနာယ သမ္ပယုတ္တော ဓမ္မော နဟေတုဿ သုခါယ ဝေဒနာယ သမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ တီဏိ.

ဟေတု သုခါယ ဝေဒနာယ သမ္ပယုတ္တော စ နဟေတု သုခါယ ဝေဒနာယ သမ္ပယုတ္တော စ ဓမ္မာ ဟေတုဿ သုခါယ ဝေဒနာယ သမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ တီဏိ.

၇၆. ဟေတု သုခါယ ဝေဒနာယ သမ္ပယုတ္တော ဓမ္မော ဟေတုဿ သုခါယ ဝေဒနာယ သမ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ.

နဟေတု သုခါယ ဝေဒနာယ သမ္ပယုတ္တော ဓမ္မော နဟေတုဿ သုခါယ ဝေဒနာယ သမ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ။ တီဏိ.

ဟေတု သုခါယ ဝေဒနာယ သမ္ပယုတ္တော စ နဟေတု သုခါယ ဝေဒနာယ သမ္ပယုတ္တော စ ဓမ္မာ ဟေတုဿ သုခါယ ဝေဒနာယ သမ္ပယုတ္တဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ။ တီဏိ။ပေ။.

ဥပနိဿယပစ္စယာဒိ

၇၇. ဟေတု သုခါယ ဝေဒနာယ သမ္ပယုတ္တော ဓမ္မော ဟေတုဿ သုခါယ ဝေဒနာယ သမ္ပယုတ္တဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ နဝ (သံခိတ္တံ).

၇၈. နဟေတု သုခါယ ဝေဒနာယ သမ္ပယုတ္တော ဓမ္မော နဟေတုဿ သုခါယ ဝေဒနာယ သမ္ပယုတ္တဿ ဓမ္မဿ ကမ္မပစ္စယေန ပစ္စယော. နဟေတု သုခါယ ဝေဒနာယ သမ္ပယုတ္တော ဓမ္မော ဟေတုဿ သုခါယ ဝေဒနာယ သမ္ပယုတ္တဿ ဓမ္မဿ ကမ္မပစ္စယေန ပစ္စယော. နဟေတု သုခါယ ဝေဒနာယ သမ္ပယုတ္တော ဓမ္မော ဟေတုဿ သုခါယ ဝေဒနာယ သမ္ပယုတ္တဿ စ နဟေတုဿ သုခါယ ဝေဒနာယ သမ္ပယုတ္တဿ စ ဓမ္မဿ ကမ္မပစ္စယေန ပစ္စယော. (၃)

။ဝိပါကပစ္စယေန ပစ္စယော.

၇၉. နဟေတု သုခါယ ဝေဒနာယ သမ္ပယုတ္တော ဓမ္မော နဟေတုဿ သုခါယ ဝေဒနာယ သမ္ပယုတ္တဿ ဓမ္မဿ အာဟာရပစ္စယေန ပစ္စယော။ တီဏိ။ပေ။. ဟေတု သုခါယ ဝေဒနာယ သမ္ပယုတ္တော ဓမ္မော ဟေတုဿ သုခါယ ဝေဒနာယ သမ္ပယုတ္တဿ ဓမ္မဿ အဝိဂတပစ္စယေန ပစ္စယော.

၈၀. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ ဝိပါကေ နဝ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

ပစ္စနီယုဒ္ဓါရော

၈၁. ဟေတု သုခါယ ဝေဒနာယ သမ္ပယုတ္တော ဓမ္မော ဟေတုဿ သုခါယ ဝေဒနာယ သမ္ပယုတ္တဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၈၂. နဟေတုယာ နဝ၊ နအာရမ္မဏေ နဝ။ပေ။ နောအဝိဂတေ နဝ (ပစ္စနီယံ).

ဟေတုပစ္စယာ နအာရမ္မဏေ တီဏိ (သံခိတ္တံ၊ အနုလောမပစ္စနီယံ).

နဟေတုပစ္စယာ အာရမ္မဏေ နဝ (သံခိတ္တံ၊ ပစ္စနီယာနုလောမံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ ဂဏိတံ၊ ဧဝံ ဂဏေတဗ္ဗံ.)