၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၃၈၉. ဟေတုံ မဟဂ္ဂတာရမ္မဏံ ဓမ္မံ ပဋိစ္စ ဟေတု မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ မဟဂ္ဂတာရမ္မဏံ ဓမ္မံ ပဋိစ္စ နဟေတု မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ မဟဂ္ဂတာရမ္မဏဉ္စ နဟေတုံ မဟဂ္ဂတာရမ္မဏဉ္စ ဓမ္မံ ပဋိစ္စ ဟေတု မဟဂ္ဂတာရမ္မဏော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၃၉၀. ဟေတုယာ နဝ၊ အာရမ္မဏေ နဝ၊ အဓိပတိယာ နဝ။ပေ။ ကမ္မ နဝ၊ ဝိပါကေ နဝ၊ အာဟာရေ နဝ။ပေ။ အဝိဂတေ နဝ (သံခိတ္တံ).

နဟေတု-နအဓိပတိပစ္စယာ

၃၉၁. နဟေတုံ မဟဂ္ဂတာရမ္မဏံ ဓမ္မံ ပဋိစ္စ နဟေတု မဟဂ္ဂတာရမ္မဏော ဓမ္မော ဥပ္ပဇ္ဇတိ နဟေတုပစ္စယာ. နဟေတုံ မဟဂ္ဂတာရမ္မဏံ ဓမ္မံ ပဋိစ္စ ဟေတု မဟဂ္ဂတာရမ္မဏော ဓမ္မော ဥပ္ပဇ္ဇတိ နဟေတုပစ္စယာ. (၂)

ဟေတုံ မဟဂ္ဂတာရမ္မဏံ ဓမ္မံ ပဋိစ္စ ဟေတု မဟဂ္ဂတာရမ္မဏော ဓမ္မော ဥပ္ပဇ္ဇတိ နအဓိပတိပစ္စယာ (သံခိတ္တံ).

၃၉၂. နဟေတုယာ ဒွေ၊ နအဓိပတိယာ နဝ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နမဂ္ဂေ ဧကံ၊ နဝိပ္ပယုတ္တေ နဝ (သံခိတ္တံ).

ဟေတုပစ္စယာ နအဓိပတိယာ နဝ (သံခိတ္တံ).

နဟေတုပစ္စယာ အာရမ္မဏေ ဒွေ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)