၁-၆. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၃၄၆. ဟေတုံ နေဝသေက္ခနာသေက္ခံ ဓမ္မံ ပဋိစ္စ ဟေတု နေဝသေက္ခနာသေက္ခော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နဟေတုံ နေဝသေက္ခနာသေက္ခံ ဓမ္မံ ပဋိစ္စ နဟေတု နေဝသေက္ခနာသေက္ခော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

ဟေတုံ နေဝသေက္ခနာသေက္ခဉ္စ နဟေတုံ နေဝသေက္ခနာသေက္ခဉ္စ ဓမ္မံ ပဋိစ္စ ဟေတု နေဝသေက္ခနာသေက္ခော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၃၄၇. ဟေတုယာ နဝ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ နဝ၊ အာသေဝနေ နဝ၊ ကမ္မေ နဝ၊ ဝိပါကေ နဝ။ပေ။ အဝိဂတေ နဝ (သံခိတ္တံ).

နဟေတု-နအာရမ္မဏပစ္စယာဒိ

၃၄၈. နဟေတုံ နေဝသေက္ခနာသေက္ခံ ဓမ္မံ ပဋိစ္စ နဟေတု နေဝသေက္ခနာသေက္ခော ဓမ္မော ဥပ္ပဇ္ဇတိ နဟေတုပစ္စယာ. နဟေတုံ နေဝသေက္ခနာသေက္ခံ ဓမ္မံ ပဋိစ္စ ဟေတု နေဝသေက္ခနာသေက္ခော ဓမ္မော ဥပ္ပဇ္ဇတိ နဟေတုပစ္စယာ. (၂)

ဟေတုံ နေဝသေက္ခနာသေက္ခံ ဓမ္မံ ပဋိစ္စ နဟေတု နေဝသေက္ခနာသေက္ခော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

နဟေတုံ နေဝသေက္ခနာသေက္ခံ ဓမ္မံ ပဋိစ္စ နဟေတု နေဝသေက္ခနာသေက္ခော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

ဟေတုံ နေဝသေက္ခနာသေက္ခဉ္စ နဟေတုံ နေဝသေက္ခနာသေက္ခဉ္စ ဓမ္မံ ပဋိစ္စ နဟေတု နေဝသေက္ခနာသေက္ခော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)

၃၄၉. ဟေတုံ နေဝသေက္ခနာသေက္ခံ ဓမ္မံ ပဋိစ္စ ဟေတု နေဝသေက္ခနာသေက္ခော ဓမ္မော ဥပ္ပဇ္ဇတိ နအဓိပတိပစ္စယာ။ပေ။.

ဟေတုံ နေဝသေက္ခနာသေက္ခံ ဓမ္မံ ပဋိစ္စ ဟေတု နေဝသေက္ခနာသေက္ခော ဓမ္မော ဥပ္ပဇ္ဇတိ နပုရေဇာတပစ္စယာ။ တီဏိ (သံခိတ္တံ).

၃၅၀. နဟေတုယာ ဒွေ၊ နအာရမ္မဏေ တီဏိ၊ နအဓိပတိယာ နဝ၊ နအနန္တရေ တီဏိ၊ နသမနန္တရေ တီဏိ၊ နအညမညေ တီဏိ၊ နဥပနိဿယေ တီဏိ၊ နပုရေဇာတေ နဝ၊ နပစ္ဆာဇာတေ နဝ၊ နအာသေဝနေ နဝ၊ နကမ္မေ တီဏိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ ဧကံ၊ နသမ္ပယုတ္တေ တီဏိ၊ နဝိပ္ပယုတ္တေ နဝ၊ နောနတ္ထိယာ တီဏိ၊ နောဝိဂတေ တီဏိ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ ဒွေ (သံခိတ္တံ).

(သဟဇာတဝါရောပိ ပစ္စယဝါရောပိ နိဿယဝါရောပိ သံသဋ္ဌဝါရောပိ သမ္ပယုတ္တဝါရောပိ ပဋိစ္စဝါရသဒိသာ ဝိတ္ထာရေတဗ္ဗာ.)