၇. ပဉှာဝါရော

ပစ္စယစတုက္ကံ

ဟေတုပစ္စယာဒိ

၃၄၂. ဟေတု အသေက္ခော ဓမ္မော ဟေတုဿ အသေက္ခဿ ဓမ္မဿ ဟေတုပစ္စယေန ပစ္စယော။ တီဏိ.

ဟေတု အသေက္ခော ဓမ္မော ဟေတုဿ အသေက္ခဿ ဓမ္မဿ အဓိပတိပစ္စယေန ပစ္စယော – သဟဇာတာဓိပတိ။ တီဏိ.

နဟေတု အသေက္ခော ဓမ္မော နဟေတုဿ အသေက္ခဿ ဓမ္မဿ အဓိပတိပစ္စယေန ပစ္စယော – သဟဇာတာဓိပတိ။ တီဏိ။ပေ။.

ဟေတု အသေက္ခော ဓမ္မော ဟေတုဿ အသေက္ခဿ ဓမ္မဿ ဥပနိဿယပစ္စယေန ပစ္စယော – အနန္တရူပနိဿယော (သံခိတ္တံ).

၃၄၃. ဟေတုယာ တီဏိ၊ အဓိပတိယာ ဆ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ကမ္မေ တီဏိ၊ ဝိပါကေ နဝ၊ အာဟာရေ တီဏိ၊ ဣန္ဒြိယေ နဝ၊ ဈာနေ တီဏိ၊ မဂ္ဂေ နဝ၊ သမ္ပယုတ္တေ နဝ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

ပစ္စနီယုဒ္ဓါရော

၃၄၄. ဟေတု အသေက္ခော ဓမ္မော ဟေတုဿ အသေက္ခဿ ဓမ္မဿ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော (သံခိတ္တံ).

၃၄၅. နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အဓိပတိယာ တီဏိ (သံခိတ္တံ).

(ယထာ ကုသလတ္တိကေ ပဉှာဝါရဿ အနုလောမမ္ပိ ပစ္စနီယမ္ပိ အနုလောမပစ္စနီယမ္ပိ ပစ္စနီယာနုလောမမ္ပိ နဏိတံ၊ ဧဝံ ဂဏေတဗ္ဗံ.)