၁. ဝိဘင်္ဂဝါရော

ဟေတုပစ္စယော

၁၄၉. သပ္ပီတိကော ဓမ္မော သပ္ပီတိကဿ ဓမ္မဿ ဟေတုပစ္စယေန ပစ္စယော – သပ္ပီတိကာ ဟေတူ သမ္ပယုတ္တကာနံ ခန္ဓာနံ ဟေတုပစ္စယေန ပစ္စယော၊ ပဋိသန္ဓိက္ခဏေ။ပေ။. သပ္ပီတိကော ဓမ္မော အပ္ပီတိကဿ ဓမ္မဿ ဟေတုပစ္စယေန ပစ္စယော – သပ္ပီတိကာ ဟေတူ ပီတိယာ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ။ပေ။. (မူလံ ကာတဗ္ဗံ.) သပ္ပီတိကာ ဟေတူ သမ္ပယုတ္တကာနံ ခန္ဓာနံ ပီတိယာ စ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ။ပေ။. (၃)

အပ္ပီတိကော ဓမ္မော အပ္ပီတိကဿ ဓမ္မဿ ဟေတုပစ္စယေန ပစ္စယော – အပ္ပီတိကာ ဟေတူ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ ဟေတုပစ္စယေန ပစ္စယော၊ ပဋိသန္ဓိက္ခဏေ။ပေ။. (၁)

အာရမ္မဏပစ္စယော

၁၅၀. သပ္ပီတိကော ဓမ္မော သပ္ပီတိကဿ ဓမ္မဿ အာရမ္မဏပစ္စယေန ပစ္စယော – သပ္ပီတိကေ ခန္ဓေ အာရဗ္ဘ သပ္ပီတိကာ ခန္ဓာ ဥပ္ပဇ္ဇန္တိ. (မူလံ ကာတဗ္ဗံ.) သပ္ပီတိကေ ခန္ဓေ အာရဗ္ဘ အပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ. (မူလံ ကာတဗ္ဗံ.) သပ္ပီတိကေ ခန္ဓေ အာရဗ္ဘ သပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ. (၃)

၁၅၁. အပ္ပီတိကော ဓမ္မော အပ္ပီတိကဿ ဓမ္မဿ အာရမ္မဏပစ္စယေန ပစ္စယော – အပ္ပီတိကေန စိတ္တေန ဒါနံ ဒတွာ သီလံ။ပေ။ ဥပေါသထကမ္မံ ကတွာ အပ္ပီတိကေန စိတ္တေန ပစ္စဝေက္ခတိ၊ အဿာဒေတိ အဘိနန္ဒတိ၊ တံ အာရဗ္ဘ အပ္ပီတိကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ ဝိစိကိစ္ဆာ ဥပ္ပဇ္ဇတိ၊ ဥဒ္ဓစ္စံ ဥပ္ပဇ္ဇတိ၊ ဒေါမနဿံ ဥပ္ပဇ္ဇတိ၊ အပ္ပီတိကာ ဈာနာ ဝုဋ္ဌဟိတွာ။ပေ။ မဂ္ဂါ ဝုဋ္ဌဟိတွာ။ပေ။ ဖလာ ဝုဋ္ဌဟိတွာ အပ္ပီတိကေန စိတ္တေန ဖလံ ပစ္စဝေက္ခတိ၊ အရိယာ အပ္ပီတိကေန စိတ္တေန နိဗ္ဗာနံ ပစ္စဝေက္ခန္တိ၊ နိဗ္ဗာနံ အပ္ပီတိကဿ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ အာဝဇ္ဇနာယ ပီတိယာ စ အာရမ္မဏပစ္စယေန ပစ္စယော၊ အရိယာ အပ္ပီတိကေန စိတ္တေန အပ္ပီတိကေ ပဟီနေ ကိလေသေ။ပေ။ ဝိက္ခမ္ဘိတေ ကိလေသေ။ပေ။ ပုဗ္ဗေ။ပေ။ စက္ခုံ။ပေ။ ဝတ္ထုံ အပ္ပီတိကေ ခန္ဓေ စ ပီတိဉ္စ အပ္ပီတိကေန စိတ္တေန အနိစ္စတော။ပေ။ ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ အပ္ပီတိကော ရာဂေါ ဥပ္ပဇ္ဇတိ။ပေ။ ဒေါမနဿံ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ။ပေ။ ဖောဋ္ဌဗ္ဗာယတနံ ကာယဝိညာဏဿ အာရမ္မဏပစ္စယေန ပစ္စယော၊ အပ္ပီတိကာ ခန္ဓာ ဣဒ္ဓိဝိဓဉာဏဿ စေတောပရိယဉာဏဿ၊ ပုဗ္ဗေနိဝါသာနုဿတိဉာဏဿ၊ ယထာကမ္မူပဂဉာဏဿ၊ အနာဂတံသဉာဏဿ၊ အာဝဇ္ဇနာယ ပီတိယာ စ အာရမ္မဏပစ္စယေန ပစ္စယော၊ အပ္ပီတိကေ ခန္ဓေ စ ပီတိဉ္စ အာရဗ္ဘ အပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ. (၁)

အပ္ပီတိကော ဓမ္မော သပ္ပီတိကဿ ဓမ္မဿ အာရမ္မဏပစ္စယေန ပစ္စယော – အပ္ပီတိကေန စိတ္တေန ဒါနံ ဒတွာ သီလံ။ပေ။ ဥပေါသထကမ္မံ။ပေ။ သပ္ပီတိကေန စိတ္တေန ပစ္စဝေက္ခတိ အဿာဒေတိ အဘိနန္ဒတိ၊ တံ အာရဗ္ဘ သပ္ပီတိကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ အပ္ပီတိကာ ဈာနာ ဝုဋ္ဌဟိတွာ။ပေ။ မဂ္ဂါ ဝုဋ္ဌဟိတွာ။ပေ။ ဖလာ ဝုဋ္ဌဟိတွာ သပ္ပီတိကေန စိတ္တေန ဖလံ ပစ္စဝေက္ခတိ၊ အရိယာ သပ္ပီတိကေန စိတ္တေန နိဗ္ဗာနံ ပစ္စဝေက္ခန္တိ၊ နိဗ္ဗာနံ သပ္ပီတိကဿ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အာရမ္မဏပစ္စယေန ပစ္စယော၊ အရိယာ သပ္ပီတိကေန စိတ္တေန အပ္ပီတိကေ ပဟီနေ ကိလေသေ။ပေ။ ဝိက္ခမ္ဘိတေ ကိလေသေ ။ပေ။ ပုဗ္ဗေ။ပေ။ စက္ခုံ။ပေ။ ဝတ္ထုံ အပ္ပီတိကေ ခန္ဓေ စ ပီတိဉ္စ သပ္ပီတိကေန စိတ္တေန အနိစ္စတော။ပေ။ ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ သပ္ပီတိကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ အပ္ပီတိကေ ခန္ဓေ စ ပီတိဉ္စ အာရဗ္ဘ သပ္ပီတိကာ ခန္ဓာ ဥပ္ပဇ္ဇန္တိ. (၂)

အပ္ပီတိကော ဓမ္မော သပ္ပီတိကဿ စ အပ္ပီတိကဿ စ ဓမ္မဿ အာရမ္မဏပစ္စယေန ပစ္စယော – အပ္ပီတိကေန စိတ္တေန ဒါနံ ဒတွာ သီလံ။ပေ။ ဥပေါသထကမ္မံ။ပေ။ သပ္ပီတိကေန စိတ္တေန ပစ္စဝေက္ခတိ အဿာဒေတိ အဘိနန္ဒတိ၊ တံ အာရဗ္ဘ သပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ၊ အပ္ပီတိကာ ဈာနာ။ပေ။ မဂ္ဂါ။ပေ။ ဖလာ ဝုဋ္ဌဟိတွာ သပ္ပီတိကေန စိတ္တေန ဖလံ ပစ္စဝေက္ခတိ၊ အရိယာ သပ္ပီတိကေန စိတ္တေန နိဗ္ဗာနံ ပစ္စဝေက္ခန္တိ၊ နိဗ္ဗာနံ သပ္ပီတိကဿ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ ပီတိယာ စ အာရမ္မဏပစ္စယေန ပစ္စယော၊ အရိယာ သပ္ပီတိကေန စိတ္တေန အပ္ပီတိကေ ပဟီနေ ကိလေသေ ပစ္စဝေက္ခန္တိ၊ ဝိက္ခမ္ဘိတေ ကိလေသေ။ပေ။ ပုဗ္ဗေ။ပေ။ စက္ခုံ။ပေ။ ဝတ္ထုံ အပ္ပီတိကေ ခန္ဓေ စ ပီတိဉ္စ သပ္ပီတိကေန စိတ္တေန အနိစ္စတော။ပေ။ ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ သပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ၊ အပ္ပီတိကေ ခန္ဓေ စ ပီတိဉ္စ အာရဗ္ဘ သပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ. (၃)

၁၅၂. သပ္ပီတိကော စ အပ္ပီတိကော စ ဓမ္မာ သပ္ပီတိကဿ ဓမ္မဿ အာရမ္မဏပစ္စယေန ပစ္စယော – သပ္ပီတိကေ ခန္ဓေ စ ပီတိဉ္စ အာရဗ္ဘ သပ္ပီတိကာ ခန္ဓာ ဥပ္ပဇ္ဇန္တိ. (မူလံ ကာတဗ္ဗံ.) သပ္ပီတိကေ ခန္ဓေ စ ပီတိဉ္စ အာရဗ္ဘ အပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ.

(မူလံ ကာတဗ္ဗံ.) သပ္ပီတိကေ ခန္ဓေ စ ပီတိဉ္စ အာရဗ္ဘ သပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ. (၃)

အဓိပတိပစ္စယော

၁၅၃. သပ္ပီတိကော ဓမ္မော သပ္ပီတိကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – သပ္ပီတိကေ ခန္ဓေ ဂရုံ ကတွာ သပ္ပီတိကာ ခန္ဓာ ဥပ္ပဇ္ဇန္တိ. သဟဇာတာဓိပတိ – သပ္ပီတိကာဓိပတိ သမ္ပယုတ္တကာနံ ခန္ဓာနံ အဓိပတိပစ္စယေန ပစ္စယော. (၁)

သပ္ပီတိကော ဓမ္မော အပ္ပီတိကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – သပ္ပီတိကေ ခန္ဓေ ဂရုံ ကတွာ အပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ. သဟဇာတာဓိပတိ – သပ္ပီတိကာဓိပတိ ပီတိယာ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော. (၂)

သပ္ပီတိကော ဓမ္မော သပ္ပီတိကဿ စ အပ္ပီတိကဿ စ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – သပ္ပီတိကေ ခန္ဓေ ဂရုံ ကတွာ သပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ. သဟဇာတာဓိပတိ – သပ္ပီတိကာဓိပတိ သမ္ပယုတ္တကာနံ ခန္ဓာနံ ပီတိယာ စ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော. (၃)

၁၅၄. အပ္ပီတိကော ဓမ္မော အပ္ပီတိကဿ ဓမ္မဿ အဓိပတိပစ္စယေန ပစ္စယော – အာရမ္မဏာဓိပတိ၊ သဟဇာတာဓိပတိ. အာရမ္မဏာဓိပတိ – အပ္ပီတိကေန စိတ္တေန ဒါနံ။ပေ။ သီလံ။ပေ။ ဥပေါသထကမ္မံ။ပေ။ အပ္ပီတိကေန စိတ္တေန တံ ဂရုံ ကတွာ ပစ္စဝေက္ခတိ အဿာဒေတိ အဘိနန္ဒတိ၊ တံ ဂရုံ ကတွာ အပ္ပီတိကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ အပ္ပီတိကာ ဈာနာ။ပေ။ မဂ္ဂါ။ပေ။ ဖလာ ဝုဋ္ဌဟိတွာ အပ္ပီတိကေန စိတ္တေန ဖလံ ဂရုံ ကတွာ ပစ္စဝေက္ခတိ၊ အရိယာ အပ္ပီတိကေန စိတ္တေန နိဗ္ဗာနံ ဂရုံ ကတွာ ပစ္စဝေက္ခန္တိ၊ နိဗ္ဗာနံ အပ္ပီတိကဿ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အဓိပတိပစ္စယေန ပစ္စယော၊ စက္ခုံ။ပေ။ ဝတ္ထုံ အပ္ပီတိကေ ခန္ဓေ စ ပီတိဉ္စ အပ္ပီတိကေန စိတ္တေန ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ အပ္ပီတိကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ အပ္ပီတိကေ ခန္ဓေ စ ပီတိဉ္စ ဂရုံ ကတွာ အပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ. သဟဇာတာဓိပတိ – အပ္ပီတိကာဓိပတိ သမ္ပယုတ္တကာနံ ခန္ဓာနံ စိတ္တသမုဋ္ဌာနာနဉ္စ ရူပါနံ အဓိပတိပစ္စယေန ပစ္စယော. (၁)

အပ္ပီတိကော ဓမ္မော သပ္ပီတိကဿ ဓမ္မဿ အဓိပတိပစ္စယေန ပစ္စယော. အာရမ္မဏာဓိပတိ – အပ္ပီတိကေန စိတ္တေန ဒါနံ။ပေ။ သီလံ။ပေ။ ဥပေါသထကမ္မံ။ပေ။ (သံခိတ္တံ) နိဗ္ဗာနံ သပ္ပီတိကဿ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ အဓိပတိပစ္စယေန ပစ္စယော၊ စက္ခုံ။ပေ။ ဝတ္ထုံ အပ္ပီတိကေ ခန္ဓေ စ ပီတိဉ္စ သပ္ပီတိကေန စိတ္တေန ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ သပ္ပီတိကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ၊ အပ္ပီတိကေ ခန္ဓေ စ ပီတိဉ္စ ဂရုံ ကတွာ သပ္ပီတိကာ ခန္ဓာ ဥပ္ပဇ္ဇန္တိ. (၂)

အပ္ပီတိကော ဓမ္မော သပ္ပီတိကဿ စ အပ္ပီတိကဿ စ ဓမ္မဿ အဓိပတိပစ္စယေန ပစ္စယော. အာရမ္မဏာဓိပတိ – ဒါနံ။ပေ။ (သံခိတ္တံ) နိဗ္ဗာနံ သပ္ပီတိကဿ ဂေါတြဘုဿ၊ ဝေါဒါနဿ၊ မဂ္ဂဿ၊ ဖလဿ၊ ပီတိယာ စ အဓိပတိပစ္စယေန ပစ္စယော၊ စက္ခုံ။ပေ။ ဝတ္ထုံ အပ္ပီတိကေ ခန္ဓေ စ ပီတိဉ္စ သပ္ပီတိကေန စိတ္တေန ဂရုံ ကတွာ အဿာဒေတိ အဘိနန္ဒတိ၊ တံ ဂရုံ ကတွာ ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ အပ္ပီတိကေ ခန္ဓေ စ ပီတိဉ္စ ဂရုံ ကတွာ သပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ. (၃)

၁၅၅. သပ္ပီတိကော စ အပ္ပီတိကော စ ဓမ္မာ သပ္ပီတိကဿ ဓမ္မဿ အဓိပတိပစ္စယေန ပစ္စယော. အာရမ္မဏာဓိပတိ – သပ္ပီတိကေ ခန္ဓေ စ ပီတိဉ္စ ဂရုံ ကတွာ သပ္ပီတိကာ ခန္ဓာ ဥပ္ပဇ္ဇန္တိ. (မူလံ ကာတဗ္ဗံ.) သပ္ပီတိကေ ခန္ဓေ စ ပီတိဉ္စ ဂရုံ ကတွာ အပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ. (မူလံ ကာတဗ္ဗံ.) သပ္ပီတိကေ ခန္ဓေ စ ပီတိဉ္စ ဂရုံ ကတွာ သပ္ပီတိကာ ခန္ဓာ စ ပီတိ စ ဥပ္ပဇ္ဇန္တိ. (၃)

အနန္တရပစ္စယာဒိ

၁၅၆. သပ္ပီတိကော ဓမ္မော သပ္ပီတိကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သပ္ပီတိကာ ခန္ဓာ ပစ္ဆိမာနံ ပစ္ဆိမာနံ သပ္ပီတိကာနံ ခန္ဓာနံ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ သပ္ပီတိကာ ခန္ဓာ ပစ္ဆိမာယ ပစ္ဆိမာယ ပီတိယာ အနန္တရပစ္စယေန ပစ္စယော – သပ္ပီတိကံ စုတိစိတ္တံ အပ္ပီတိကဿ ဥပပတ္တိစိတ္တဿ၊ သပ္ပီတိကံ ဘဝင်္ဂံ အာဝဇ္ဇနာယ၊ သပ္ပီတိကာ ခန္ဓာ အပ္ပီတိကဿ ဝုဋ္ဌာနဿ၊ ပီတိသဟဂတာ ဝိပါကမနောဝိညာဏဓာတု ကိရိယမနောဝိညာဏဓာတုယာ၊ သပ္ပီတိကံ ဘဝင်္ဂံ အပ္ပီတိကဿ ဘဝင်္ဂဿ၊ သပ္ပီတိကံ ကုသလာကုသလံ အပ္ပီတိကဿ ဝုဋ္ဌာနဿ၊ ကိရိယံ ဝုဋ္ဌာနဿ၊ ဖလံ ဝုဋ္ဌာနဿ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ သပ္ပီတိကာ ခန္ဓာ ပစ္ဆိမာနံ ပစ္ဆိမာနံ သပ္ပီတိကာနံ ခန္ဓာနံ ပီတိယာ စ အနန္တရပစ္စယေန ပစ္စယော. (၃)

၁၅၇. အပ္ပီတိကော ဓမ္မော အပ္ပီတိကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ပီတိ ပစ္ဆိမာယ ပစ္ဆိမာယ ပီတိယာ အနန္တရပစ္စယေန ပစ္စယော၊ ပုရိမာ ပုရိမာ အပ္ပီတိကာ ခန္ဓာ ပစ္ဆိမာနံ ပစ္ဆိမာနံ အပ္ပီတိကာနံ ခန္ဓာနံ အနန္တရပစ္စယေန ပစ္စယော၊ အနုလောမံ ဂေါတြဘုဿ။ပေ။ အပ္ပီတိကာယ ဖလသမာပတ္တိယာ ပီတိယာ စ အနန္တရပစ္စယေန ပစ္စယော. (မူလံ ကာတဗ္ဗံ.) ပုရိမာ ပုရိမာ ပီတိ ပစ္ဆိမာနံ ပစ္ဆိမာနံ သပ္ပီတိကာနံ ခန္ဓာနံ အနန္တရပစ္စယေန ပစ္စယော၊ အပ္ပီတိကံ စုတိစိတ္တံ သပ္ပီတိကဿ ဥပပတ္တိစိတ္တဿ၊ အာဝဇ္ဇနာ သပ္ပီတိကာနံ ခန္ဓာနံ၊ အပ္ပီတိကာ ခန္ဓာ သပ္ပီတိကဿ ဝုဋ္ဌာနဿ၊ ဝိပါကမနောဓာတု သပ္ပီတိကာယ ဝိပါကမနောဝိညာဏဓာတုယာ၊ အပ္ပီတိကံ ဘဝင်္ဂံ သပ္ပီတိကဿ ဘဝင်္ဂဿ၊ အပ္ပီတိကံ ကုသလာကုသလံ သပ္ပီတိကဿ ဝုဋ္ဌာနဿ၊ ကိရိယံ ဝုဋ္ဌာနဿ၊ ဖလံ ဝုဋ္ဌာနဿ အနန္တရပစ္စယေန ပစ္စယော၊ နိရောဓာ ဝုဋ္ဌဟန္တဿ နေဝသညာနာသညာယတနံ သပ္ပီတိကာယ ဖလသမာပတ္တိယာ အနန္တရပစ္စယေန ပစ္စယော. (၂)

အပ္ပီတိကော ဓမ္မော သပ္ပီတိကဿ စ အပ္ပီတိကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ ပီတိ ပစ္ဆိမာနံ ပစ္ဆိမာနံ သပ္ပီတိကာနံ ခန္ဓာနံ ပီတိယာ စ အနန္တရပစ္စယေန ပစ္စယော. (၃)

၁၅၈. သပ္ပီတိကော စ အပ္ပီတိကော စ ဓမ္မာ သပ္ပီတိကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သပ္ပီတိကာ ခန္ဓာ စ ပီတိ စ ပစ္ဆိမာနံ ပစ္ဆိမာနံ သပ္ပီတိကာနံ ခန္ဓာနံ အနန္တရပစ္စယေန ပစ္စယော. (၁)

သပ္ပီတိကော စ အပ္ပီတိကော စ ဓမ္မာ အပ္ပီတိကဿ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သပ္ပီတိကာ ခန္ဓာ စ ပီတိ စ ပစ္ဆိမာယ ပစ္ဆိမာယ ပီတိယာ အနန္တရပစ္စယေန ပစ္စယော၊ သပ္ပီတိကံ စုတိစိတ္တဉ္စ ပီတိ စ အပ္ပီတိကဿ ဥပပတ္တိစိတ္တဿ။ သပ္ပီတိကံ ဘဝင်္ဂဉ္စ ပီတိ စ အာဝဇ္ဇနာယ။ သပ္ပီတိကာ ခန္ဓာ စ ပီတိ စ အပ္ပီတိကဿ ဝုဋ္ဌာနဿ။ သပ္ပီတိကာ ဝိပါကမနောဝိညာဏဓာတု စ ပီတိ စ ကိရိယမနောဝိညာဏဓာတုယာ။ သပ္ပီတိကံ ဘဝင်္ဂဉ္စ ပီတိ စ အပ္ပီတိကဿ ဘဝင်္ဂဿ။ သပ္ပီတိကံ ကုသလာကုသလဉ္စ ပီတိ စ အပ္ပီတိကဿ ဝုဋ္ဌာနဿ။ ကိရိယဉ္စ ပီတိ စ ဝုဋ္ဌာနဿ။ ဖလဉ္စ ပီတိ စ ဝုဋ္ဌာနဿ အနန္တရပစ္စယေန ပစ္စယော. (၂)

သပ္ပီတိကော စ အပ္ပီတိကော စ ဓမ္မာ သပ္ပီတိကဿ စ အပ္ပီတိကဿ စ ဓမ္မဿ အနန္တရပစ္စယေန ပစ္စယော – ပုရိမာ ပုရိမာ သပ္ပီတိကာ ခန္ဓာ စ ပီတိ စ ပစ္ဆိမာနံ ပစ္ဆိမာနံ သပ္ပီတိကာနံ ခန္ဓာနံ ပီတိယာ စ အနန္တရပစ္စယေန ပစ္စယော. (၃)

သမနန္တရပစ္စယေန ပစ္စယော။ နဝ။ သဟဇာတပစ္စယေန ပစ္စယော။ နဝ။ အညမညပစ္စယေန ပစ္စယော။ နဝ။ နိဿယပစ္စယေန ပစ္စယော။ နဝ.

ဥပနိဿယပစ္စယော

၁၅၉. သပ္ပီတိကော ဓမ္မော သပ္ပီတိကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – သပ္ပီတိကာ ခန္ဓာ သပ္ပီတိကာနံ ခန္ဓာနံ ဥပနိဿယပစ္စယေန ပစ္စယော. (မူလံ ကာတဗ္ဗံ.) သပ္ပီတိကာ ခန္ဓာ အပ္ပီတိကာနံ ခန္ဓာနံ ပီတိယာ စ ဥပနိဿယပစ္စယေန ပစ္စယော. (မူလံ ကာတဗ္ဗံ.) သပ္ပီတိကာ ခန္ဓာ သပ္ပီတိကာနံ ခန္ဓာနံ ပီတိယာ စ ဥပနိဿယပစ္စယေန ပစ္စယော. (၃)

၁၆၀. အပ္ပီတိကော ဓမ္မော အပ္ပီတိကဿ ဓမ္မဿ ဥပနိဿယပစ္စယေန ပစ္စယော – အာရမ္မဏူပနိဿယော၊ အနန္တရူပနိဿယော၊ ပကတူပနိဿယော။ပေ။. ပကတူပနိဿယော – အပ္ပီတိကံ သဒ္ဓံ ဥပနိဿာယ အပ္ပီတိကေန စိတ္တေန ဒါနံ ဒေတိ၊ သီလံ သမာဒိယတိ၊ ဥပေါသထကမ္မံ ကရောတိ၊ အပ္ပီတိကံ ဈာနံ။ပေ။ ဝိပဿနံ။ မဂ္ဂံ။ အဘိညံ။ သမာပတ္တိံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ၊ အပ္ပီတိကံ သီလံ။ပေ။ ပညံ။ ရာဂံ။ ဒေါသံ။ မောဟံ။ မာနံ။ ဒိဋ္ဌိံ။ ပတ္ထနံ။ ကာယိကံ သုခံ။ ကာယိကံ ဒုက္ခံ။ ဥတုံ။ ဘောဇနံ။ သေနာသနံ။ ပီတိံ ဥပနိဿာယ အပ္ပီတိကေန စိတ္တေန ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ ပါဏံ ဟနတိ။ပေ။ သံဃံ ဘိန္ဒတိ၊ အပ္ပီတိကာ သဒ္ဓါ။ပေ။ သေနာသနံ ပီတိ စ အပ္ပီတိကာယ သဒ္ဓါယ။ပေ။ ပတ္ထနာယ။ ကာယိကဿ သုခဿ။ ကာယိကဿ ဒုက္ခဿ။ မဂ္ဂဿ ဖလသမာပတ္တိယာ ပီတိယာ စ ဥပနိဿယပစ္စယေန ပစ္စယော. (၁)

အပ္ပီတိကော ဓမ္မော သပ္ပီတိကဿ ဓမ္မဿ ဥပနိဿယပစ္စယေန ပစ္စယော (တီဏိ ဥပနိဿယာ). အပ္ပီတိကံ သဒ္ဓံ ဥပနိဿာယ သပ္ပီတိကေန စိတ္တေန ဒါနံ ဒေတိ။ပေ။ အပ္ပီတိကာ ဈာနာ။ပေ။ မာနံ ဇပ္ပေတိ၊ ဒိဋ္ဌိံ ဂဏှာတိ၊ အပ္ပီတိကံ သီလံ။ပေ။ သေနာသနံ ပီတိံ ဥပနိဿာယ သပ္ပီတိကေန စိတ္တေန ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ သပ္ပီတိကေန စိတ္တေန အဒိန္နံ အာဒိယတိ၊ မုသာ။ပေ။ ပိသုဏံ။ပေ။ သမ္ဖံ။ပေ။ သန္ဓိံ။ပေ။ နိလ္လောပံ။ပေ။ ဧကာဂါရိကံ။ပေ။ ပရိပန္ထေ။ပေ။ ပရဒါရံ။ပေ။ ဂါမဃာတံ။ပေ။ နိဂမဃာတံ ကရောတိ၊ အပ္ပီတိကာ သဒ္ဓါ။ပေ။ သေနာသနံ ပီတိ စ သပ္ပီတိကာယ သဒ္ဓါယ။ပေ။ ပညာယ ရာဂဿ၊ မောဟဿ။ မာနဿ။ ဒိဋ္ဌိယာ။ ပတ္ထနာယ။ မဂ္ဂဿ၊ ဖလသမာပတ္တိယာ ဥပနိဿယပစ္စယေန ပစ္စယော. (၂)

အပ္ပီတိကော ဓမ္မော သပ္ပီတိကဿ စ အပ္ပီတိကဿ စ ဓမ္မဿ ဥပနိဿယပစ္စယေန ပစ္စယော (တီဏိ ဥပနိဿယာ). အပ္ပီတိကံ သဒ္ဓံ ဥပနိဿာယ သပ္ပီတိကေန စိတ္တေန ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ မာနံ ဇပ္ပေတိ၊ ဒိဋ္ဌိံ ဂဏှာတိ၊ အပ္ပီတိကံ သီလံ။ပေ။ သေနာသနံ ပီတိံ ဥပနိဿာယ သပ္ပီတိကေန စိတ္တေန ဒါနံ ဒေတိ။ပေ။ သမာပတ္တိံ ဥပ္ပါဒေတိ၊ သပ္ပီတိကေန စိတ္တေန အဒိန္နံ အာဒိယတိ။ပေ။ (ဒုတိယဝါရသဒိသံ) နိဂမဃာတံ ကရောတိ၊ အပ္ပီတိကာ သဒ္ဓါ။ပေ။ သေနာသနံ ပီတိ စ သပ္ပီတိကာယ သဒ္ဓါယ။ပေ။ ပညာယ။ ရာဂဿ။ မောဟဿ။ မာနဿ။ ဒိဋ္ဌိယာ။ ပတ္ထနာယ။ မဂ္ဂဿ၊ ဖလသမာပတ္တိယာ ပီတိယာ စ ဥပနိဿယပစ္စယေန ပစ္စယော. (၃)

သပ္ပီတိကော စ အပ္ပီတိကော စ ဓမ္မာ သပ္ပီတိကဿ ဓမ္မဿ ဥပနိဿယပစ္စယေန ပစ္စယော (တီဏိပိ ဥပနိဿယာ). သပ္ပီတိကာ ခန္ဓာ စ ပီတိ စ သပ္ပီတိကာနံ ခန္ဓာနံ ဥပနိဿယပစ္စယေန ပစ္စယော. (မူလံ ကာတဗ္ဗံ.) သပ္ပီတိကာ ခန္ဓာ စ ပီတိ စ အပ္ပီတိကာနံ ခန္ဓာနံ ပီတိယာ စ ဥပနိဿယပစ္စယေန ပစ္စယော. (မူလံ ကာတဗ္ဗံ.) သပ္ပီတိကာ ခန္ဓာ စ ပီတိ စ သပ္ပီတိကာနံ ခန္ဓာနံ ပီတိယာ စ ဥပနိဿယပစ္စယေန ပစ္စယော. (၃)

ပုရေဇာတပစ္စယော

၁၆၁. အပ္ပီတိကော ဓမ္မော အပ္ပီတိကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ အပ္ပီတိကေန စိတ္တေန အနိစ္စတော။ပေ။ ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ အပ္ပီတိကော ရာဂေါ။ပေ။ ဒေါမနဿံ ဥပ္ပဇ္ဇတိ၊ ပီတိ ဥပ္ပဇ္ဇတိ၊ ဒိဗ္ဗေန စက္ခုနာ ရူပံ ပဿတိ။ပေ။ ဖောဋ္ဌဗ္ဗာယတနံ ကာယဝိညာဏဿ။ပေ။. ဝတ္ထုပုရေဇာတံ – စက္ခာယတနံ စက္ခုဝိညာဏဿ။ပေ။ ကာယာယတနံ ကာယဝိညာဏဿ။ပေ။ ဝတ္ထု အပ္ပီတိကာနံ ခန္ဓာနံ ပီတိယာ စ ပုရေဇာတပစ္စယေန ပစ္စယော. (၁)

အပ္ပီတိကော ဓမ္မော သပ္ပီတိကဿ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ သပ္ပီတိကေန စိတ္တေန အနိစ္စတော။ပေ။ ဝိပဿတိ၊ အဿာဒေတိ အဘိနန္ဒတိ၊ တံ အာရဗ္ဘ သပ္ပီတိကော ရာဂေါ ဥပ္ပဇ္ဇတိ၊ ဒိဋ္ဌိ ဥပ္ပဇ္ဇတိ. ဝတ္ထုပုရေဇာတံ – ဝတ္ထု သပ္ပီတိကာနံ ခန္ဓာနံ ပုရေဇာတပစ္စယေန ပစ္စယော. (၂)

အပ္ပီတိကော ဓမ္မော သပ္ပီတိကဿ စ အပ္ပီတိကဿ စ ဓမ္မဿ ပုရေဇာတပစ္စယေန ပစ္စယော – အာရမ္မဏပုရေဇာတံ၊ ဝတ္ထုပုရေဇာတံ. အာရမ္မဏပုရေဇာတံ – စက္ခုံ။ပေ။ ဝတ္ထုံ သပ္ပီတိကေန စိတ္တေန အနိစ္စတော။ပေ။ ဝိပဿတိ အဿာဒေတိ အဘိနန္ဒတိ၊ တံ အာရဗ္ဘ ပီတိ စ သမ္ပယုတ္တကာ ခန္ဓာ စ ဥပ္ပဇ္ဇန္တိ. ဝတ္ထုပုရေဇာတံ – ဝတ္ထု သပ္ပီတိကာနံ ခန္ဓာနံ ပီတိယာ စ ပုရေဇာတပစ္စယေန ပစ္စယော. (၃)

ပစ္ဆာဇာတပစ္စယာဒိ

၁၆၂. သပ္ပီတိကော ဓမ္မော အပ္ပီတိကဿ ဓမ္မဿ ပစ္ဆာဇာတပစ္စယေန ပစ္စယော။ တီဏိ။ အာသေဝနပစ္စယေန ပစ္စယော။ နဝ။ ကမ္မပစ္စယေန ပစ္စယော။ ဆ (သဟဇာတာပိ နာနာက္ခဏိကာပိ ကာတဗ္ဗာ။ ဒွေ နာနာက္ခဏိကာ)။ ဝိပါကပစ္စယေန ပစ္စယော။ နဝ။ အာဟာရပစ္စယေန ပစ္စယော။ စတ္တာရိ။ ဣန္ဒြိယပစ္စယေန ပစ္စယော။ စတ္တာရိ။ ဈာနပစ္စယေန ပစ္စယော။ နဝ။ မဂ္ဂပစ္စယေန ပစ္စယော။ စတ္တာရိ။ သမ္ပယုတ္တပစ္စယေန ပစ္စယော။ ဆ။ ဝိပ္ပယုတ္တပစ္စယေန ပစ္စယော။ ပဉ္စ။ အတ္ထိပစ္စယေန ပစ္စယော။ နဝ (သံခိတ္တံ. သဝိတက္ကဒုကသဒိသံ ကာတဗ္ဗံ.)။ နတ္ထိပစ္စယေန ပစ္စယော။ ဝိဂတပစ္စယေန ပစ္စယော။ အဝိဂတပစ္စယေန ပစ္စယော။ နဝ.