၁. ပစ္စယာနုလောမံ

၂. သင်္ချာဝါရော

၁၆၃. ဟေတုယာ စတ္တာရိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ၊ သမနန္တရေ နဝ၊ သဟဇာတေ နဝ၊ အညမညေ နဝ၊ နိဿယေ နဝ၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ ဆ၊ ဝိပါကေ နဝ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ နဝ၊ မဂ္ဂေ စတ္တာရိ၊ သမ္ပယုတ္တေ ဆ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ.

အနုလောမံ.

ပစ္စနီယုဒ္ဓါရော

၁၆၄. သပ္ပီတိကော ဓမ္မော သပ္ပီတိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ကမ္မပစ္စယေန ပစ္စယော. သပ္ပီတိကော ဓမ္မော အပ္ပီတိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော. သပ္ပီတိကော ဓမ္မော သပ္ပီတိကဿ စ အပ္ပီတိကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ကမ္မပစ္စယေန ပစ္စယော. (၃)

၁၆၅. အပ္ပီတိကော ဓမ္မော အပ္ပီတိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော။ ပစ္ဆာဇာတပစ္စယေန ပစ္စယော။ ကမ္မပစ္စယေန ပစ္စယော။ အာဟာရပစ္စယေန ပစ္စယော။ ဣန္ဒြိယပစ္စယေန ပစ္စယော. အပ္ပီတိကော ဓမ္မော သပ္ပီတိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော. အပ္ပီတိကော ဓမ္မော သပ္ပီတိကဿ စ အပ္ပီတိကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပုရေဇာတပစ္စယေန ပစ္စယော. (၃)

၁၆၆. သပ္ပီတိကော စ အပ္ပီတိကော စ ဓမ္မာ သပ္ပီတိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. သပ္ပီတိကော စ အပ္ပီတိကော စ ဓမ္မာ အပ္ပီတိကဿ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော။ ပစ္ဆာဇာတပစ္စယေန ပစ္စယော. သပ္ပီတိကော စ အပ္ပီတိကော စ ဓမ္မာ သပ္ပီတိကဿ စ အပ္ပီတိကဿ စ ဓမ္မဿ အာရမ္မဏပစ္စယေန ပစ္စယော။ သဟဇာတပစ္စယေန ပစ္စယော။ ဥပနိဿယပစ္စယေန ပစ္စယော. (၃)

(ပစ္စနီယဝိဘင်္ဂဂဏနာပိ သဝိတက္ကဒုကသဒိသာ. ယဒိပိ န သမေတိ ဣမံ အနုလောမံ ပစ္စဝေက္ခိတွာ ဂဏေတဗ္ဗံ၊ ဣတရေ ဒွေ ဂဏနာ ဂဏေတဗ္ဗာ.)

သပ္ပီတိကဒုကံ နိဋ္ဌိတံ.