၁-၇. ပဋိစ္စဝါရာဒိ

ပစ္စယစတုက္ကံ

ဟေတုပစ္စယော

၂၇၉. ကုသလံ နဟေတုံ သဟေတုကံ ဓမ္မံ ပဋိစ္စ ကုသလော နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. (၁)

အကုသလံ နဟေတုံ သဟေတုကံ ဓမ္မံ ပဋိစ္စ အကုသလော နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. (၁)

အဗျာကတံ နဟေတုံ သဟေတုကံ ဓမ္မံ ပဋိစ္စ အဗျာကတော နဟေတု သဟေတုကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၂၈၀. ဟေတုယာ တီဏိ၊ အာရမ္မဏေ တီဏိ။ပေ။ အဝိဂတေ တီဏိ (သံခိတ္တံ).

နအဓိပတိယာ တီဏိ (သံခိတ္တံ).

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)

အာရမ္မဏပစ္စယော

၂၈၁. ကုသလော နဟေတု သဟေတုကော ဓမ္မော ကုသလဿ နဟေတုဿ သဟေတုကဿ ဓမ္မဿ အာရမ္မဏပစ္စယေန ပစ္စယော။ တီဏိ.

အကုသလော နဟေတု သဟေတုကော ဓမ္မော အကုသလဿ နဟေတုဿ သဟေတုကဿ ဓမ္မဿ အာရမ္မဏပစ္စယေန ပစ္စယော။ တီဏိ.

အဗျာကတော နဟေတု သဟေတုကော ဓမ္မော အဗျာကတဿ နဟေတုဿ သဟေတုကဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ).

၂၈၂. အာရမ္မဏေ နဝ၊ အဓိပတိယာ သတ္တ၊ အနန္တရေ ပဉ္စ။ပေ။ သဟဇာတေ အညမညေ နိဿယေ တီဏိ၊ ဥပနိဿယေ နဝ၊ အာသေဝနေ တီဏိ၊ ကမ္မေ ပဉ္စ၊ ဝိပါကေ ဧကံ၊ အာဟာရေ။ပေ။ သမ္ပယုတ္တေ တီဏိ။ပေ။ အဝိဂတေ တီဏိ (သံခိတ္တံ).

နဟေတုယာ နဝ၊ နအာရမ္မဏေ နဝ (သံခိတ္တံ).

အာရမ္မဏပစ္စယာ နဟေတုယာ နဝ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)

နဟေတုအဟေတုကပဒံ

ဟေတုပစ္စယော

၂၈၃. အဗျာကတံ နဟေတုံ အဟေတုကံ ဓမ္မံ ပဋိစ္စ အဗျာကတော နဟေတု အဟေတုကော ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).

ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).

နဟေတုယာ ဧကံ။ပေ။ နောဝိဂတေ ဧကံ (သံခိတ္တံ).

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)

၂၈၄. အဗျာကတော နဟေတု အဟေတုကော ဓမ္မော အဗျာကတဿ နဟေတုဿ အဟေတုကဿ ဓမ္မဿ အာရမ္မဏပစ္စယေန ပစ္စယော (သံခိတ္တံ).

အာရမ္မဏေ ဧကံ၊ အဓိပတိယာ ဧကံ။ပေ။ အဝိဂတေ ဧကံ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)

ဟေတုဂေါစ္ဆကံ နိဋ္ဌိတံ.