၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၇၁. ကုသလံ ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ ကုသလော ဟေတု စေဝ ဟေတုသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. (၁)
အကုသလံ ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ အကုသလော ဟေတု စေဝ ဟေတုသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ. (၁)
အဗျာကတံ ဟေတုဉ္စေဝ ဟေတုသမ္ပယုတ္တဉ္စ ဓမ္မံ ပဋိစ္စ အဗျာကတော ဟေတု စေဝ ဟေတုသမ္ပယုတ္တော စ ဓမ္မော ဥပ္ပဇ္ဇတိ ဟေတုပစ္စယာ (သံခိတ္တံ).
၂၇၂. ဟေတုယာ တီဏိ။ပေ။ အဝိဂတေ တီဏိ (သံခိတ္တံ).
နအဓိပတိယာ တီဏိ (သံခိတ္တံ).
ဟေတုပစ္စယာ နအဓိပတိယာ တီဏိ (သံခိတ္တံ).
နအဓိပတိပစ္စယာ ဟေတုယာ တီဏိ (သံခိတ္တံ).
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)
ဟေတု-အာရမ္မဏပစ္စယာ
၂၇၃. ကုသလော ဟေတု စေဝ ဟေတုသမ္ပယုတ္တော စ ဓမ္မော ကုသလဿ ဟေတုဿ စေဝ ဟေတုသမ္ပယုတ္တဿ စ ဓမ္မဿ ဟေတုပစ္စယေန ပစ္စယော. (၁)
အကုသလော ဟေတု စေဝ ဟေတုသမ္ပယုတ္တော စ ဓမ္မော အကုသလဿ ဟေတုဿ စေဝ ဟေတုသမ္ပယုတ္တဿ စ ဓမ္မဿ ဟေတုပစ္စယေန ပစ္စယော. (၁)
အဗျာကတော ဟေတု စေဝ ဟေတုသမ္ပယုတ္တော စ ဓမ္မော အဗျာကတဿ ဟေတုဿ စေဝ ဟေတုသမ္ပယုတ္တဿ စ ဓမ္မဿ ဟေတုပစ္စယေန ပစ္စယော. (၁)
ကုသလော ဟေတု စေဝ ဟေတုသမ္ပယုတ္တော စ ဓမ္မော ကုသလဿ ဟေတုဿ စေဝ ဟေတုသမ္ပယုတ္တဿ စ ဓမ္မဿ အာရမ္မဏပစ္စယေန ပစ္စယော (သံခိတ္တံ).
၂၇၄. ဟေတုယာ တီဏိ၊ အာရမ္မဏေ နဝ၊ အဓိပတိယာ သတ္တ၊ အနန္တရေ ပဉ္စ။ပေ။ အဝိဂတေ တီဏိ (သံခိတ္တံ).
နဟေတုယာ နဝ၊ နအာရမ္မဏေ နဝ (သံခိတ္တံ).
ဟေတုပစ္စယာ နအာရမ္မဏေ တီဏိ (သံခိတ္တံ).
နဟေတုပစ္စယာ အာရမ္မဏေ နဝ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)