၁-၇. ပဋိစ္စဝါရာဒိ
ပစ္စယစတုက္ကံ
ဟေတု-အာရမ္မဏပစ္စယာ
၂၅၇. အကုသလံ ဟေတုဝိပ္ပယုတ္တံ ဓမ္မံ ပဋိစ္စ အဗျာကတော ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (၁)
အဗျာကတံ ဟေတုဝိပ္ပယုတ္တံ ဓမ္မံ ပဋိစ္စ အဗျာကတော ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (၁)
အကုသလံ ဟေတုဝိပ္ပယုတ္တဉ္စ အဗျာကတံ ဟေတုဝိပ္ပယုတ္တဉ္စ ဓမ္မံ ပဋိစ္စ အဗျာကတော ဟေတုဝိပ္ပယုတ္တော ဓမ္မော ဥပ္ပဇ္ဇတိ ဟေတုပစ္စယာ. (၁)
အဗျာကတံ ဟေတုဝိပ္ပယုတ္တံ ဓမ္မံ ပဋိစ္စ အဗျာကတော ဟေတုဝိပ္ပယုတ္တော ဓမ္မော ဥပ္ပဇ္ဇတိ အာရမ္မဏပစ္စယာ. (၁) (သံခိတ္တံ.)
၂၅၈. ဟေတုယာ တီဏိ၊ အာရမ္မဏေ ဧကံ၊ အဓိပတိယာ ဧကံ။ပေ။ အဝိဂတေ တီဏိ (သံခိတ္တံ).
နဟေတု-နအာရမ္မဏပစ္စယာ
၂၅၉. အဗျာကတံ ဟေတုဝိပ္ပယုတ္တံ ဓမ္မံ ပဋိစ္စ အဗျာကတော ဟေတုဝိပ္ပယုတ္တော ဓမ္မော ဥပ္ပဇ္ဇတိ နဟေတုပစ္စယာ. (၁)
အကုသလံ ဟေတုဝိပ္ပယုတ္တံ ဓမ္မံ ပဋိစ္စ အဗျာကတော ဟေတုဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)
အဗျာကတံ ဟေတုဝိပ္ပယုတ္တံ ဓမ္မံ ပဋိစ္စ အဗျာကတော ဟေတုဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ. (၁)
အကုသလံ ဟေတုဝိပ္ပယုတ္တဉ္စ အဗျာကတံ ဟေတုဝိပ္ပယုတ္တဉ္စ ဓမ္မံ ပဋိစ္စ အဗျာကတော ဟေတုဝိပ္ပယုတ္တော ဓမ္မော ဥပ္ပဇ္ဇတိ နအာရမ္မဏပစ္စယာ (သံခိတ္တံ).
၂၆၀. နဟေတုယာ ဧကံ၊ နအာရမ္မဏေ တီဏိ၊ နအဓိပတိယာ တီဏိ။ပေ။ နောဝိဂတေ တီဏိ. (သံခိတ္တံ).
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)
ဟေတု-အာရမ္မဏ-အနန္တရပစ္စယာ
၂၆၁. အကုသလော ဟေတုဝိပ္ပယုတ္တော ဓမ္မော အဗျာကတဿ ဟေတုဝိပ္ပယုတ္တဿ ဓမ္မဿ ဟေတုပစ္စယေန ပစ္စယော. (၁)
အကုသလော ဟေတုဝိပ္ပယုတ္တော ဓမ္မော အကုသလဿ ဟေတုဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော. အကုသလော ဟေတုဝိပ္ပယုတ္တော ဓမ္မော အဗျာကတဿ ဟေတုဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော. (၂)
အဗျာကတော ဟေတုဝိပ္ပယုတ္တော ဓမ္မော အဗျာကတဿ ဟေတုဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော. အဗျာကတော ဟေတုဝိပ္ပယုတ္တော ဓမ္မော အကုသလဿ ဟေတုဝိပ္ပယုတ္တဿ ဓမ္မဿ အာရမ္မဏပစ္စယေန ပစ္စယော. (၂)
အကုသလော ဟေတုဝိပ္ပယုတ္တော ဓမ္မော အကုသလဿ ဟေတုဝိပ္ပယုတ္တဿ ဓမ္မဿ အနန္တရပစ္စယေန ပစ္စယော. အကုသလော ဟေတုဝိပ္ပယုတ္တော ဓမ္မော အဗျာကတဿ ဟေတုဝိပ္ပယုတ္တဿ ဓမ္မဿ အနန္တရပစ္စယေန ပစ္စယော. (၂)
အဗျာကတော ဟေတုဝိပ္ပယုတ္တော ဓမ္မော အဗျာကတဿ ဟေတုဝိပ္ပယုတ္တဿ ဓမ္မဿ အနန္တရပစ္စယေန ပစ္စယော. အဗျာကတော ဟေတုဝိပ္ပယုတ္တော ဓမ္မော အကုသလဿ ဟေတုဝိပ္ပယုတ္တဿ ဓမ္မဿ အနန္တရပစ္စယေန ပစ္စယော. (၂) (သံခိတ္တံ.)
၂၆၂. ဟေတုယာ ဧကံ၊ အာရမ္မဏေ စတ္တာရိ၊ အနန္တရေ စတ္တာရိ၊ သမနန္တရေ စတ္တာရိ၊ သဟဇာတေ တီဏိ၊ အညမညေ ဧကံ၊ နိဿယေ စတ္တာရိ၊ ဥပနိဿယေ စတ္တာရိ။ပေ။ အဝိဂတေ စတ္တာရိ (သံခိတ္တံ).
နဟေတုယာ ပဉ္စ၊ နအာရမ္မဏေ ပဉ္စ (သံခိတ္တံ).
ဟေတုပစ္စယာ နအာရမ္မဏေ ဧကံ (သံခိတ္တံ).
နဟေတုပစ္စယာ အာရမ္မဏေ စတ္တာရိ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)