၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၄၄. ကုသလံ သဟေတုကံ ဓမ္မံ ပဋိစ္စ ကုသလော သဟေတုကော ဓမ္မော ဥပ္ပဇ္ဇတိ ဟေတုပစ္စယာ. (၁)
အကုသလံ သဟေတုကံ ဓမ္မံ ပဋိစ္စ အကုသလော သဟေတုကော ဓမ္မော ဥပ္ပဇ္ဇတိ ဟေတုပစ္စယာ. (၁)
အဗျာကတံ သဟေတုကံ ဓမ္မံ ပဋိစ္စ အဗျာကတော သဟေတုကော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၂၄၅. ဟေတုယာ တီဏိ။ပေ။ အဝိဂတေ တီဏိ (သံခိတ္တံ).
နအဓိပတိယာ တီဏိ၊ နပုရေဇာတေ တီဏိ၊ နပစ္ဆာဇာတေ တီဏိ၊ နအာသေဝနေ တီဏိ၊ နကမ္မေ တီဏိ၊ နဝိပါကေ တီဏိ၊ နဝိပ္ပယုတ္တေ တီဏိ.
ဟေတုပစ္စယာ နအဓိပတိယာ တီဏိ (သံခိတ္တံ).
နအဓိပတိပစ္စယာ ဟေတုယာ တီဏိ (သံခိတ္တံ).
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)
ဟေတု-အာရမ္မဏပစ္စယာ
၂၄၆. ကုသလော သဟေတုကော ဓမ္မော ကုသလဿ သဟေတုကဿ ဓမ္မဿ ဟေတုပစ္စယေန ပစ္စယော. (၁)
အကုသလော သဟေတုကော ဓမ္မော အကုသလဿ သဟေတုကဿ ဓမ္မဿ ဟေတုပစ္စယေန ပစ္စယော. (၁)
အဗျာကတော သဟေတုကော ဓမ္မော အဗျာကတဿ သဟေတုကဿ ဓမ္မဿ ဟေတုပစ္စယေန ပစ္စယော. (၁)
ကုသလော သဟေတုကော ဓမ္မော ကုသလဿ သဟေတုကဿ ဓမ္မဿ အာရမ္မဏပစ္စယေန ပစ္စယော. ကုသလော သဟေတုကော ဓမ္မော အကုသလဿ သဟေတုကဿ ဓမ္မဿ အာရမ္မဏပစ္စယေန ပစ္စယော. ကုသလော သဟေတုကော ဓမ္မော အဗျာကတဿ သဟေတုကဿ ဓမ္မဿ အာရမ္မဏပစ္စယေန ပစ္စယော. (၃)
အကုသလော သဟေတုကော ဓမ္မော အကုသလဿ သဟေတုကဿ ဓမ္မဿ အာရမ္မဏပစ္စယေန ပစ္စယော။ တီဏိ. (၃)
အဗျာကတော သဟေတုကော ဓမ္မော အဗျာကတဿ သဟေတုကဿ ဓမ္မဿ အာရမ္မဏပစ္စယေန ပစ္စယော။ တီဏိ. (၃)
ကုသလော သဟေတုကော ဓမ္မော ကုသလဿ သဟေတုကဿ ဓမ္မဿ အဓိပတိပစ္စယေန ပစ္စယော (သံခိတ္တံ).
၂၄၇. ဟေတုယာ တီဏိ၊ အာရမ္မဏေ နဝ၊ အဓိပတိယာ သတ္တ၊ အနန္တရေ ပဉ္စ၊ သမနန္တရေ ပဉ္စ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ။ပေ။ အဝိဂတေ တီဏိ (သံခိတ္တံ).
နဟေတုယာ နဝ၊ နအာရမ္မဏေ နဝ (သံခိတ္တံ).
ဟေတုပစ္စယာ နအာရမ္မဏေ တီဏိ (သံခိတ္တံ).
နဟေတုပစ္စယာ အာရမ္မဏေ နဝ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)