၁-၇. ပဋိစ္စဝါရာဒိ
ပစ္စယစတုက္ကံ
၂၃၇. အနိဒဿနအပ္ပဋိဃံ ဟေတုံ ဓမ္မံ ပဋိစ္စ အနိဒဿနအပ္ပဋိဃော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သံခိတ္တံ).
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ.)
၂၃၈. အနိဒဿနအပ္ပဋိဃော ဟေတု ဓမ္မော အနိဒဿနအပ္ပဋိဃဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
အနိဒဿနအပ္ပဋိဃော ဟေတု ဓမ္မော အနိဒဿနအပ္ပဋိဃဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၁) (သံခိတ္တံ.)
ဟေတုယာ ဧကံ၊ အာရမ္မဏေ ဧကံ။ပေ။ အဝိဂတေ ဧကံ (သဗ္ဗတ္ထ ဧကံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)