၁-၇. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၂၂၂. အဇ္ဈတ္တံ ဟေတုံ ဓမ္မံ ပဋိစ္စ အဇ္ဈတ္တော ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
ဗဟိဒ္ဓါ ဟေတုံ ဓမ္မံ ပဋိစ္စ ဗဟိဒ္ဓါ ဟေတု ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)
၂၂၃. ဟေတုယာ ဒွေ၊ အာရမ္မဏေ ဒွေ။ပေ။ အဝိဂတေ ဒွေ (သံခိတ္တံ).
နအဓိပတိယာ ဒွေ၊ နပုရေဇာတေ ဒွေ၊ နပစ္ဆာဇာတေ ဒွေ၊ နအာသေဝနေ ဒွေ၊ နဝိပါကေ ဒွေ၊ နဝိပ္ပယုတ္တေ ဒွေ (သံခိတ္တံ).
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)
ဟေတုအာရမ္မဏပစ္စယာဒိ
၂၂၄. အဇ္ဈတ္တော ဟေတု ဓမ္မော အဇ္ဈတ္တဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
ဗဟိဒ္ဓါ ဟေတု ဓမ္မော ဗဟိဒ္ဓါ ဟေတုဿ ဓမ္မဿ ဟေတုပစ္စယေန ပစ္စယော.
အဇ္ဈတ္တော ဟေတု ဓမ္မော အဇ္ဈတ္တဿ ဟေတုဿ ဓမ္မဿ အာရမ္မဏပစ္စယေန ပစ္စယော. အဇ္ဈတ္တော ဟေတု ဓမ္မော ဗဟိဒ္ဓါ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)
ဗဟိဒ္ဓါ ဟေတု ဓမ္မော ဗဟိဒ္ဓါ ဟေတုဿ ဓမ္မဿ အာရမ္မဏပစ္စယေန ပစ္စယော. ဗဟိဒ္ဓါ ဟေတု ဓမ္မော အဇ္ဈတ္တဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)
၂၂၅. အဇ္ဈတ္တော ဟေတု ဓမ္မော အဇ္ဈတ္တဿ ဟေတုဿ ဓမ္မဿ အဓိပတိပစ္စယေန ပစ္စယော. (၁)
ဗဟိဒ္ဓါ ဟေတု ဓမ္မော ဗဟိဒ္ဓါ ဟေတုဿ ဓမ္မဿ အဓိပတိပစ္စယေန ပစ္စယော. (၁)
အဇ္ဈတ္တော ဟေတု ဓမ္မော အဇ္ဈတ္တဿ ဟေတုဿ ဓမ္မဿ အနန္တရပစ္စယေန ပစ္စယော. (၁)
ဗဟိဒ္ဓါ ဟေတု ဓမ္မော ဗဟိဒ္ဓါ ဟေတုဿ ဓမ္မဿ အနန္တရပစ္စယေန ပစ္စယော. (၁) (သံခိတ္တံ.)
၂၂၆. ဟေတုယာ ဒွေ၊ အာရမ္မဏေ စတ္တာရိ၊ အဓိပတိယာ ဒွေ၊ အနန္တရေ ဒွေ၊ သမနန္တရေ ဒွေ၊ သဟဇာတေ ဒွေ၊ အညမညေ ဒွေ၊ နိဿယေ ဒွေ၊ ဥပနိဿယေ စတ္တာရိ။ပေ။ အဝိဂတေ ဒွေ (သံခိတ္တံ).
နဟေတုယာ စတ္တာရိ၊ နအာရမ္မဏေ စတ္တာရိ (သံခိတ္တံ).
ဟေတုပစ္စယာ နအာရမ္မဏေ ဒွေ (သံခိတ္တံ).
နဟေတုပစ္စယာ အာရမ္မဏေ စတ္တာရိ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)