၇. ပဉှာဝါရော

ပစ္စယစတုက္ကံ

ဟေတုပစ္စယာဒိ

၂၀၅. ဥပ္ပန္နော ဟေတု ဓမ္မော ဥပ္ပန္နဿ ဟေတုဿ ဓမ္မဿ ဟေတုပစ္စယေန ပစ္စယော – ဥပ္ပန္နာ ဟေတူ သမ္ပယုတ္တကာနံ ဟေတူနံ ဟေတုပစ္စယေန ပစ္စယော၊ ပဋိသန္ဓိက္ခဏေ။ပေ။. (၁)

အနုပ္ပန္နော ဟေတု ဓမ္မော ဥပ္ပန္နဿ ဟေတုဿ ဓမ္မဿ အာရမ္မဏပစ္စယေန ပစ္စယော – အနုပ္ပန္နာ ဟေတူ စေတောပရိယဉာဏဿ အနာဂတံသဉာဏဿ အာရမ္မဏပစ္စယေန ပစ္စယော. ဥပ္ပါဒီ ဟေတု ဓမ္မော ဥပ္ပန္နဿ ဟေတုဿ ဓမ္မဿ အာရမ္မဏပစ္စယေန ပစ္စယော – ဥပ္ပါဒီ ဟေတူ စေတောပရိယဉာဏဿ အနာဂတံသဉာဏဿ အာရမ္မဏပစ္စယေန ပစ္စယော. (၂)

ဥပ္ပန္နော ဟေတု ဓမ္မော ဥပ္ပန္နဿ ဟေတုဿ ဓမ္မဿ အဓိပတိပစ္စယေန ပစ္စယော။ တီဏိ.

သဟဇာတပစ္စယေန ပစ္စယော။ အညမညပစ္စယေန ပစ္စယော။ နိဿယပစ္စယေန ပစ္စယော။ ဥပနိဿယပစ္စယေန ပစ္စယော။ ဝိပါကပစ္စယေန ပစ္စယော။ ဣန္ဒြိယပစ္စယေန ပစ္စယော။ မဂ္ဂပစ္စယေန ပစ္စယော။ သမ္ပယုတ္တပစ္စယေန ပစ္စယော။ အတ္ထိပစ္စယေန ပစ္စယော။ပေ။ အဝိဂတပစ္စယေန ပစ္စယော.

၂၀၆. ဟေတုယာ ဧကံ၊ အာရမ္မဏေ ဒွေ၊ အဓိပတိယာ တီဏိ၊ သဟဇာတေ ဧကံ၊ အညမညေ ဧကံ၊ နိဿယေ ဧကံ၊ ဥပနိဿယေ ဒွေ။ပေ။ အဝိဂတေ ဧကံ (သံခိတ္တံ).

နဟေတုယာ ဒွေ၊ နအာရမ္မဏေ ဒွေ (သံခိတ္တံ).

ဟေတုပစ္စယာ နအာရမ္မဏေ ဧကံ (သံခိတ္တံ).

နဟေတုပစ္စယာ အာရမ္မဏေ ဒွေ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)

နဟေတုပဒံ

အာရမ္မဏပစ္စယာဒိ

၂၀၇. ဥပ္ပန္နော နဟေတု ဓမ္မော ဥပ္ပန္နဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၁)

အနုပ္ပန္နော နဟေတု ဓမ္မော ဥပ္ပန္နဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၁)

ဥပ္ပါဒီ နဟေတု ဓမ္မော ဥပ္ပန္နဿ နဟေတုဿ ဓမ္မဿ အာရမ္မဏပစ္စယေန ပစ္စယော. (၁)

၂၀၈. ဥပ္ပန္နော နဟေတု ဓမ္မော ဥပ္ပန္နဿ နဟေတုဿ ဓမ္မဿ အဓိပတိပစ္စယေန ပစ္စယော. (၁)

အနုပ္ပန္နော နဟေတု ဓမ္မော ဥပ္ပန္နဿ နဟေတုဿ ဓမ္မဿ အဓိပတိပစ္စယေန ပစ္စယော. (၁)

ဥပ္ပါဒီ နဟေတု ဓမ္မော ဥပ္ပန္နဿ နဟေတုဿ ဓမ္မဿ အဓိပတိပစ္စယေန ပစ္စယော. (၁)

ဥပ္ပန္နော နဟေတု ဓမ္မော ဥပ္ပန္နဿ နဟေတုဿ ဓမ္မဿ သဟဇာတပစ္စယေန ပစ္စယော။ အညမညပစ္စယေန ပစ္စယော။ နိဿယပစ္စယေန ပစ္စယော။ ဥပနိဿယပစ္စယေန ပစ္စယော.

အနုပ္ပန္နော နဟေတု ဓမ္မော ဥပ္ပန္နဿ နဟေတုဿ ဓမ္မဿ ဥပနိဿယပစ္စယေန ပစ္စယော.

ဥပ္ပါဒီ နဟေတု ဓမ္မော ဥပ္ပန္နဿ နဟေတုဿ ဓမ္မဿ ဥပနိဿယပစ္စယေန ပစ္စယော (သံခိတ္တံ).

၂၀၉. အာရမ္မဏေ တီဏိ၊ အဓိပတိယာ တီဏိ၊ သဟဇာတေ ဧကံ၊ အညမညေ ဧကံ၊ နိဿယေ ဧကံ၊ ဥပနိဿယေ တီဏိ။ပေ။ အဝိဂတေ ဧကံ (သံခိတ္တံ).

နဟေတုယာ တီဏိ၊ နအာရမ္မဏေ တီဏိ (သံခိတ္တံ).

အာရမ္မဏပစ္စယာ နဟေတုယာ တီဏိ (သံခိတ္တံ).

နဟေတုပစ္စယာ အာရမ္မဏေ တီဏိ (သံခိတ္တံ).