၁-၆. ပဋိစ္စဝါရာဒိ
ပစ္စယစတုက္ကံ
ဟေတုပစ္စယော
၁၉၇. မဂ္ဂါရမ္မဏံ နဟေတုံ ဓမ္မံ ပဋိစ္စ မဂ္ဂါရမ္မဏော နဟေတု ဓမ္မော ဥပ္ပဇ္ဇတိ ဟေတုပစ္စယာ. မဂ္ဂါရမ္မဏံ နဟေတုံ ဓမ္မံ ပဋိစ္စ မဂ္ဂါဓိပတိ နဟေတု ဓမ္မော ဥပ္ပဇ္ဇတိ ဟေတုပစ္စယာ. မဂ္ဂါရမ္မဏံ နဟေတုံ ဓမ္မံ ပဋိစ္စ မဂ္ဂါရမ္မဏော နဟေတု စ မဂ္ဂါဓိပတိ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
မဂ္ဂဟေတုကံ နဟေတုံ ဓမ္မံ ပဋိစ္စ မဂ္ဂဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ. မဂ္ဂဟေတုကံ နဟေတုံ ဓမ္မံ ပဋိစ္စ မဂ္ဂါဓိပတိ နဟေတု ဓမ္မော ဥပ္ပဇ္ဇတိ ဟေတုပစ္စယာ. မဂ္ဂဟေတုကံ နဟေတုံ ဓမ္မံ ပဋိစ္စ မဂ္ဂဟေတုကော နဟေတု စ မဂ္ဂါဓိပတိ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
မဂ္ဂါဓိပတိ နဟေတုံ ဓမ္မံ ပဋိစ္စ မဂ္ဂါဓိပတိ နဟေတု ဓမ္မော ဥပ္ပဇ္ဇတိ ဟေတုပစ္စယာ. မဂ္ဂါဓိပတိံ နဟေတုံ ဓမ္မံ ပဋိစ္စ မဂ္ဂါရမ္မဏော နဟေတု ဓမ္မော ဥပ္ပဇ္ဇတိ ဟေတုပစ္စယာ. မဂ္ဂါဓိပတိံ နဟေတုံ ဓမ္မံ ပဋိစ္စ မဂ္ဂဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ. မဂ္ဂါဓိပတိံ နဟေတုံ ဓမ္မံ ပဋိစ္စ မဂ္ဂါရမ္မဏော နဟေတု စ မဂ္ဂါဓိပတိ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. မဂ္ဂါဓိပတိံ နဟေတုံ ဓမ္မံ ပဋိစ္စ မဂ္ဂဟေတုကော နဟေတု စ မဂ္ဂါဓိပတိ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၅)
မဂ္ဂါရမ္မဏံ နဟေတုဉ္စ မဂ္ဂါဓိပတိံ နဟေတုဉ္စ ဓမ္မံ ပဋိစ္စ မဂ္ဂါရမ္မဏော နဟေတု ဓမ္မော ဥပ္ပဇ္ဇတိ ဟေတုပစ္စယာ. မဂ္ဂါရမ္မဏံ နဟေတုဉ္စ မဂ္ဂါဓိပတိံ နဟေတုဉ္စ ဓမ္မံ ပဋိစ္စ မဂ္ဂါဓိပတိ နဟေတု ဓမ္မော ဥပ္ပဇ္ဇတိ ဟေတုပစ္စယာ. မဂ္ဂါရမ္မဏံ နဟေတုဉ္စ မဂ္ဂါဓိပတိံ နဟေတုဉ္စ ဓမ္မံ ပဋိစ္စ မဂ္ဂါရမ္မဏော နဟေတု စ မဂ္ဂါဓိပတိ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
မဂ္ဂဟေတုကံ နဟေတုဉ္စ မဂ္ဂါဓိပတိံ နဟေတုဉ္စ ဓမ္မံ ပဋိစ္စ မဂ္ဂဟေတုကော နဟေတု ဓမ္မော ဥပ္ပဇ္ဇတိ ဟေတုပစ္စယာ. မဂ္ဂဟေတုကံ နဟေတုဉ္စ မဂ္ဂါဓိပတိံ နဟေတုဉ္စ ဓမ္မံ ပဋိစ္စ မဂ္ဂါဓိပတိံ နဟေတု ဓမ္မော ဥပ္ပဇ္ဇတိ ဟေတုပစ္စယာ. မဂ္ဂဟေတုကံ နဟေတုဉ္စ မဂ္ဂါဓိပတိံ နဟေတုဉ္စ ဓမ္မံ ပဋိစ္စ မဂ္ဂဟေတုကော နဟေတု စ မဂ္ဂါဓိပတိ နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃) (သံခိတ္တံ.)
၁၉၈. ဟေတုယာ သတ္တရသ၊ အာရမ္မဏေ သတ္တရသ။ပေ။ အဝိဂတေ သတ္တရသ (သံခိတ္တံ).
ပစ္စနီယံ
နဟေတုပစ္စယော
၁၉၉. မဂ္ဂါရမ္မဏံ နဟေတုံ ဓမ္မံ ပဋိစ္စ မဂ္ဂါရမ္မဏော နဟေတု ဓမ္မော ဥပ္ပဇ္ဇတိ နဟေတုပစ္စယာ. (၁) (သံခိတ္တံ.)
နဟေတုယာ ဧကံ၊ နအဓိပတိယာ သတ္တရသ၊ နပုရေဇာတေ သတ္တရသ၊ နပစ္ဆာဇာတေ သတ္တရသ၊ နအာသေဝနေ နဝ၊ နဝိပါကေ သတ္တရသ၊ နဝိပ္ပယုတ္တေ သတ္တရသ (သံခိတ္တံ).
ဟေတုပစ္စယာ နအဓိပတိယာ သတ္တရသ (သံခိတ္တံ).
နဟေတုပစ္စယာ အာရမ္မဏေ ဧကံ (သံခိတ္တံ).
(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)