၁-၆. ပဋိစ္စဝါရာဒိ

ပစ္စယစတုက္ကံ

ဟေတု-အာရမ္မဏပစ္စယာ

၁၅၃. သေက္ခံ နဟေတုံ ဓမ္မံ ပဋိစ္စ သေက္ခော နဟေတု ဓမ္မော ဥပ္ပဇ္ဇတိ ဟေတုပစ္စယာ. သေက္ခံ နဟေတုံ ဓမ္မံ ပဋိစ္စ နေဝသေက္ခနာသေက္ခော နဟေတု ဓမ္မော ဥပ္ပဇ္ဇတိ ဟေတုပစ္စယာ. သေက္ခံ နဟေတုံ ဓမ္မံ ပဋိစ္စ သေက္ခော နဟေတု စ နေဝသေက္ခနာသေက္ခော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

အသေက္ခံ နဟေတုံ ဓမ္မံ ပဋိစ္စ အသေက္ခော နဟေတု ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

နေဝသေက္ခနာသေက္ခံ နဟေတုံ ဓမ္မံ ပဋိစ္စ နေဝသေက္ခနာသေက္ခော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

သေက္ခံ နဟေတုဉ္စ နေဝသေက္ခနာသေက္ခံ နဟေတုဉ္စ ဓမ္မံ ပဋိစ္စ နေဝသေက္ခနာသေက္ခော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

အသေက္ခံ နဟေတုဉ္စ နေဝသေက္ခနာသေက္ခံ နဟေတုဉ္စ ဓမ္မံ ပဋိစ္စ နေဝသေက္ခနာသေက္ခော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)

၁၅၄. သေက္ခံ နဟေတုံ ဓမ္မံ ပဋိစ္စ သေက္ခော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)

အသေက္ခံ နဟေတုံ ဓမ္မံ ပဋိစ္စ အသေက္ခော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)

နေဝသေက္ခနာသေက္ခံ နဟေတုံ ဓမ္မံ ပဋိစ္စ နေဝသေက္ခနာသေက္ခော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁) (သံခိတ္တံ.)

ဟေတုယာ နဝ၊ အာရမ္မဏေ တီဏိ၊ အဓိပတိယာ နဝ။ပေ။ အာသေဝနေ ဒွေ။ပေ။ အဝိဂတေ နဝ (သံခိတ္တံ).

ပစ္စနီယံ

နဟေတုပစ္စယော

၁၅၅. နေဝသေက္ခနာသေက္ခံ နဟေတုံ ဓမ္မံ ပဋိစ္စ နေဝသေက္ခနာသေက္ခော နဟေတု ဓမ္မော ဥပ္ပဇ္ဇတိ နဟေတုပစ္စယာ (သံခိတ္တံ).

နဟေတုယာ ဧကံ၊ နအာရမ္မဏေ ပဉ္စ၊ နအဓိပတိယာ တီဏိ။ပေ။ နောဝိဂတေ ပဉ္စ (သံခိတ္တံ).

ဟေတုပစ္စယာ နအာရမ္မဏေ ပဉ္စ (သံခိတ္တံ).

နဟေတုပစ္စယာ အာရမ္မဏေ ဧကံ (သံခိတ္တံ).

(သဟဇာတဝါရမ္ပိ။ပေ။ သမ္ပယုတ္တဝါရမ္ပိ ပဋိစ္စဝါရသဒိသံ ဝိတ္ထာရေတဗ္ဗံ.)