၇. ပဉှာဝါရော

ပစ္စယစတုက္ကံ

၈၀. သဝိတက္ကသဝိစာရော ဟေတု ဓမ္မော သဝိတက္ကသဝိစာရဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

အဝိတက္ကဝိစာရမတ္တော ဟေတု ဓမ္မော အဝိတက္ကဝိစာရမတ္တဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

အဝိတက္ကအဝိစာရော ဟေတု ဓမ္မော အဝိတက္ကအဝိစာရဿ ဟေတုဿ ဓမ္မဿ ဟေတုပစ္စယေန ပစ္စယော. (၁)

၈၁. သဝိတက္ကသဝိစာရော ဟေတု ဓမ္မော သဝိတက္ကသဝိစာရဿ ဟေတုဿ ဓမ္မဿ အာရမ္မဏပစ္စယေန ပစ္စယော. သဝိတက္ကသဝိစာရော ဟေတု ဓမ္မော အဝိတက္ကအဝိစာရဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)

အဝိတက္ကဝိစာရမတ္တော ဟေတု ဓမ္မော သဝိတက္ကသဝိစာရဿ ဟေတုဿ ဓမ္မဿ အာရမ္မဏပစ္စယေန ပစ္စယော. အဝိတက္ကဝိစာရမတ္တော ဟေတု ဓမ္မော အဝိတက္ကအဝိစာရဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)

အဝိတက္ကအဝိစာရော ဟေတု ဓမ္မော အဝိတက္ကအဝိစာရဿ ဟေတုဿ ဓမ္မဿ အာရမ္မဏပစ္စယေန ပစ္စယော. အဝိတက္ကအဝိစာရော ဟေတု ဓမ္မော သဝိတက္ကသဝိစာရဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)

၈၂. သဝိတက္ကသဝိစာရော ဟေတု ဓမ္မော သဝိတက္ကသဝိစာရဿ ဟေတုဿ ဓမ္မဿ အဓိပတိပစ္စယေန ပစ္စယော. (၁)

အဝိတက္ကဝိစာရမတ္တော ဟေတု ဓမ္မော အဝိတက္ကဝိစာရမတ္တဿ ဟေတုဿ ဓမ္မဿ အဓိပတိပစ္စယေန ပစ္စယော. အဝိတက္ကဝိစာရမတ္တော ဟေတု ဓမ္မော သဝိတက္ကသဝိစာရဿ ဟေတုဿ ဓမ္မဿ အဓိပတိပစ္စယေန ပစ္စယော. (၂)

အဝိတက္ကအဝိစာရော ဟေတု ဓမ္မော အဝိတက္ကအဝိစာရဿ ဟေတုဿ ဓမ္မဿ အဓိပတိပစ္စယေန ပစ္စယော. အဝိတက္ကအဝိစာရော ဟေတု ဓမ္မော သဝိတက္ကသဝိစာရဿ ဟေတုဿ ဓမ္မဿ အဓိပတိပစ္စယေန ပစ္စယော. (၂)

၈၃. သဝိတက္ကသဝိစာရော ဟေတု ဓမ္မော သဝိတက္ကသဝိစာရဿ ဟေတုဿ ဓမ္မဿ အနန္တရပစ္စယေန ပစ္စယော။ တီဏိ.

အဝိတက္ကဝိစာရမတ္တော ဟေတု ဓမ္မော အဝိတက္ကဝိစာရမတ္တဿ ဟေတုဿ ဓမ္မဿ အနန္တရပစ္စယေန ပစ္စယော ။ တီဏိ.

အဝိတက္ကအဝိစာရော ဟေတု ဓမ္မော အဝိတက္ကအဝိစာရဿ ဟေတုဿ ဓမ္မဿ အနန္တရပစ္စယေန ပစ္စယော။ တီဏိ။ပေ။.

သဝိတက္ကသဝိစာရော ဟေတု ဓမ္မော သဝိတက္ကသဝိစာရဿ ဟေတုဿ ဓမ္မဿ ဥပနိဿယပစ္စယေန ပစ္စယော။ နဝ (သံခိတ္တံ).

၈၄. ဟေတုယာ တီဏိ၊ အာရမ္မဏေ ဆ၊ အဓိပတိယာ ပဉ္စ၊ အနန္တရေ နဝ၊ သမနန္တရေ နဝ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ အာသေဝနေ ပဉ္စ၊ ဝိပါကေ တီဏိ။ပေ။ အဝိဂတေ တီဏိ.

နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ တီဏိ (သံခိတ္တံ).

နဟေတုပစ္စယာ အာရမ္မဏေ ဆ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)

နဟေတုပဒံ.