၇. ပဉှာဝါရော
ပစ္စယစတုက္ကံ
၅၃. ဥပါဒိန္နုပါဒါနိယော ဟေတု ဓမ္မော ဥပါဒိန္နုပါဒါနိယဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
အနုပါဒိန္နုပါဒါနိယော ဟေတု ဓမ္မော အနုပါဒိန္နုပါဒါနိယဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
အနုပါဒိန္နအနုပါဒါနိယော ဟေတု ဓမ္မော အနုပါဒိန္နအနုပါဒါနိယဿ ဟေတုဿ ဓမ္မဿ ဟေတုပစ္စယေန ပစ္စယော. (၁)
၅၄. ဥပါဒိန္နုပါဒါနိယော ဟေတု ဓမ္မော ဥပါဒိန္နုပါဒါနိယဿ ဟေတုဿ ဓမ္မဿ အာရမ္မဏပစ္စယေန ပစ္စယော. ဥပါဒိန္နုပါဒါနိယော ဟေတု ဓမ္မော အနုပါဒိန္နုပါဒါနိယဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)
အနုပါဒိန္နုပါဒါနိယော ဟေတု ဓမ္မော အနုပါဒိန္နုပါဒါနိယဿ ဟေတုဿ ဓမ္မဿ အာရမ္မဏပစ္စယေန ပစ္စယော. အနုပါဒိန္နုပါဒါနိယော ဟေတု ဓမ္မော ဥပါဒိန္နုပါဒါနိယဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၂)
အနုပါဒိန္နအနုပါဒါနိယော ဟေတု ဓမ္မော အနုပါဒိန္နုပါဒါနိယဿ ဟေတုဿ ဓမ္မဿ အာရမ္မဏပစ္စယေန ပစ္စယော. (၁)
၅၅. ဥပါဒိန္နုပါဒါနိယော ဟေတု ဓမ္မော အနုပါဒိန္နုပါဒါနိယဿ ဟေတုဿ ဓမ္မဿ အဓိပတိပစ္စယေန ပစ္စယော. (၁)
အနုပါဒိန္နုပါဒါနိယော ဟေတု ဓမ္မော အနုပါဒိန္နုပါဒါနိယဿ ဟေတုဿ ဓမ္မဿ အဓိပတိပစ္စယေန ပစ္စယော. (၁)
အနုပါဒိန္နအနုပါဒါနိယော ဟေတု ဓမ္မော အနုပါဒိန္နအနုပါဒါနိယဿ ဟေတုဿ ဓမ္မဿ အဓိပတိပစ္စယေန ပစ္စယော. အနုပါဒိန္နအနုပါဒါနိယော ဟေတု ဓမ္မော အနုပါဒိန္နုပါဒါနိယဿ ဟေတုဿ ဓမ္မဿ အဓိပတိပစ္စယေန ပစ္စယော. (၁)
အနန္တရ-ဥပနိဿယပစ္စယာ
၅၆. ဥပါဒိန္နုပါဒါနိယော ဟေတု ဓမ္မော ဥပါဒိန္နုပါဒါနိယဿ ဟေတုဿ ဓမ္မဿ အနန္တရပစ္စယေန ပစ္စယော. (၁)
အနုပါဒိန္နုပါဒါနိယော ဟေတု ဓမ္မော အနုပါဒိန္နုပါဒါနိယဿ ဟေတုဿ ဓမ္မဿ အနန္တရပစ္စယေန ပစ္စယော။ တီဏိ.
အနုပါဒိန္နအနုပါဒါနိယော ဟေတု ဓမ္မော အနုပါဒိန္နအနုပါဒါနိယဿ ဟေတုဿ ဓမ္မဿ အနန္တရပစ္စယေန ပစ္စယော. အနုပါဒိန္နအနုပါဒါနိယော ဟေတု ဓမ္မော ဥပါဒိန္နုပါဒါနိယဿ ဟေတုဿ ဓမ္မဿ အနန္တရပစ္စယေန ပစ္စယော။ပေ။. (၂)
၅၇. ဥပါဒိန္နုပါဒါနိယော ဟေတု ဓမ္မော ဥပါဒိန္နုပါဒါနိယဿ ဟေတုဿ ဓမ္မဿ ဥပနိဿယပစ္စယေန ပစ္စယော. ဥပါဒိန္နုပါဒါနိယော ဟေတု ဓမ္မော အနုပါဒိန္နုပါဒါနိယဿ ဟေတုဿ ဓမ္မဿ ဥပနိဿယပစ္စယေန ပစ္စယော. ဥပါဒိန္နုပါဒါနိယော ဟေတု ဓမ္မော အနုပါဒိန္နအနုပါဒါနိယဿ ဟေတုဿ ဓမ္မဿ ဥပနိဿယပစ္စယေန ပစ္စယော. (၃)
အနုပါဒိန္နုပါဒါနိယော ဟေတု ဓမ္မော အနုပါဒိန္နုပါဒါနိယဿ ဟေတုဿ ဓမ္မဿ ဥပနိဿယပစ္စယေန ပစ္စယော။ တီဏိ.
အနုပါဒိန္နအနုပါဒါနိယော ဟေတု ဓမ္မော အနုပါဒိန္နအနုပါဒါနိယဿ ဟေတုဿ ဓမ္မဿ ဥပနိဿယပစ္စယေန ပစ္စယော။ တီဏိ (သံခိတ္တံ).
၅၈. ဟေတုယာ တီဏိ၊ အာရမ္မဏေ ပဉ္စ၊ အဓိပတိယာ စတ္တာရိ၊ အနန္တရေ ဆ၊ သမနန္တရေ ဆ၊ သဟဇာတေ တီဏိ၊ အညမညေ တီဏိ၊ နိဿယေ တီဏိ၊ ဥပနိဿယေ နဝ၊ အာသေဝနေ ဒွေ၊ ဝိပါကေ ဒွေ။ပေ။ အဝိဂတေ တီဏိ (သံခိတ္တံ).
နဟေတုယာ နဝ၊ နအာရမ္မဏေ နဝ (သံခိတ္တံ).
ဟေတုပစ္စယာ နအာရမ္မဏေ တီဏိ (သံခိတ္တံ).
နဟေတုပစ္စယာ အာရမ္မဏေ ပဉ္စ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)
နဟေတုပဒပစ္စယစတုက္ကံ
၅၉. ဥပါဒိန္နုပါဒါနိယံ နဟေတုံ ဓမ္မံ ပဋိစ္စ ဥပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဥပါဒိန္နုပါဒါနိယံ နဟေတုံ ဓမ္မံ ပဋိစ္စ အနုပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ ဟေတုပစ္စယာ. ဥပါဒိန္နုပါဒါနိယံ နဟေတုံ ဓမ္မံ ပဋိစ္စ ဥပါဒိန္နုပါဒါနိယော နဟေတု စ အနုပါဒိန္နုပါဒါနိယော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
အနုပါဒိန္နုပါဒါနိယံ နဟေတုံ ဓမ္မံ ပဋိစ္စ အနုပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
အနုပါဒိန္နအနုပါဒါနိယံ နဟေတုံ ဓမ္မံ ပဋိစ္စ အနုပါဒိန္နအနုပါဒါနိယော နဟေတု ဓမ္မော ဥပ္ပဇ္ဇတိ ဟေတုပစ္စယာ. အနုပါဒိန္နအနုပါဒါနိယံ နဟေတုံ ဓမ္မံ ပဋိစ္စ အနုပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ ဟေတုပစ္စယာ. အနုပါဒိန္နအနုပါဒါနိယံ နဟေတုံ ဓမ္မံ ပဋိစ္စ အနုပါဒိန္နုပါဒါနိယော နဟေတု စ အနုပါဒိန္နအနုပါဒါနိယော နဟေတု စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)
ဥပါဒိန္နုပါဒါနိယံ နဟေတုဉ္စ အနုပါဒိန္နုပါဒါနိယံ နဟေတုဉ္စ ဓမ္မံ ပဋိစ္စ အနုပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
အနုပါဒိန္နုပါဒါနိယံ နဟေတုဉ္စ အနုပါဒိန္နအနုပါဒါနိယံ နဟေတုဉ္စ ဓမ္မံ ပဋိစ္စ အနုပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ ဟေတုပစ္စယာ. (၁)
၆၀. ဥပါဒိန္နုပါဒါနိယံ နဟေတုံ ဓမ္မံ ပဋိစ္စ ဥပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)
အနုပါဒိန္နုပါဒါနိယံ နဟေတုံ ဓမ္မံ ပဋိစ္စ အနုပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁)
အနုပါဒိန္နအနုပါဒါနိယံ နဟေတုံ ဓမ္မံ ပဋိစ္စ အနုပါဒိန္နအနုပါဒါနိယော နဟေတု ဓမ္မော ဥပ္ပဇ္ဇတိ အာရမ္မဏပစ္စယာ. (၁) (သံခိတ္တံ.)
၆၁. ဟေတုယာ နဝ၊ အာရမ္မဏေ တီဏိ၊ အဓိပတိယာ ပဉ္စ၊ အနန္တရေ တီဏိ၊ သမနန္တရေ တီဏိ၊ သဟဇာတေ နဝ၊ အညမညေ တီဏိ၊ နိဿယေ နဝ၊ ဥပနိဿယေ တီဏိ၊ ပုရေဇာတေ တီဏိ၊ အာသေဝနေ ဒွေ၊ ကမ္မေ နဝ၊ ဝိပါကေ နဝ။ပေ။ အဝိဂတေ နဝ (သံခိတ္တံ).
ပစ္စနီယံ – နဟေတုပစ္စယော
၆၂. ဥပါဒိန္နုပါဒါနိယံ နဟေတုံ ဓမ္မံ ပဋိစ္စ ဥပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ နဟေတုပစ္စယာ။ တီဏိ.
အနုပါဒိန္နုပါဒါနိယံ နဟေတုံ ဓမ္မံ ပဋိစ္စ အနုပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ နဟေတုပစ္စယာ. (၁)
ဥပါဒိန္နုပါဒါနိယံ နဟေတုဉ္စ အနုပါဒိန္နုပါဒါနိယံ နဟေတုဉ္စ ဓမ္မံ ပဋိစ္စ အနုပါဒိန္နုပါဒါနိယော နဟေတု ဓမ္မော ဥပ္ပဇ္ဇတိ နဟေတုပစ္စယာ. (၁) (သံခိတ္တံ.)
၆၃. နဟေတုယာ ပဉ္စ၊ နအာရမ္မဏေ ဆ (သံခိတ္တံ).
ဟေတုပစ္စယာ နအာရမ္မဏေ ဆ (သံခိတ္တံ).
နဟေတုပစ္စယာ အာရမ္မဏေ ဒွေ (သံခိတ္တံ).
(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)