၁-၆. ပဋိစ္စဝါရာဒိ

ပစ္စယစတုက္ကံ

၂၃. သဝိတက္ကံ ကုသလံ ဓမ္မံ ပဋိစ္စ သဝိတက္ကော ကုသလော ဓမ္မော ဥပ္ပဇ္ဇတိ ဟေတုပစ္စယာ. သဝိတက္ကံ ကုသလံ ဓမ္မံ ပဋိစ္စ အဝိတက္ကော ကုသလော ဓမ္မော ဥပ္ပဇ္ဇတိ ဟေတုပစ္စယာ. သဝိတက္ကံ ကုသလံ ဓမ္မံ ပဋိစ္စ သဝိတက္ကော ကုသလော စ အဝိတက္ကော ကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

အဝိတက္ကံ ကုသလံ ဓမ္မံ ပဋိစ္စ အဝိတက္ကော ကုသလော ဓမ္မော ဥပ္ပဇ္ဇတိ ဟေတုပစ္စယာ. အဝိတက္ကံ ကုသလံ ဓမ္မံ ပဋိစ္စ သဝိတက္ကော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၂)

သဝိတက္ကံ ကုသလဉ္စ အဝိတက္ကံ ကုသလဉ္စ ဓမ္မံ ပဋိစ္စ သဝိတက္ကော ကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၂၄. ဟေတုယာ ဆ၊ အာရမ္မဏေ ဆ (သဗ္ဗတ္ထ ဆ)၊ အဝိဂတေ ဆ (သံခိတ္တံ).

နအဓိပတိယာ ဆ၊ နပုရေဇာတေ ဆ။ပေ။ နကမ္မေ စတ္တာရိ။ပေ။ နဝိပ္ပယုတ္တေ ဆ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ).