၇. ပဉှာဝါရော

ဟေတု-အာရမ္မဏပစ္စယာ

၂၅. သဝိတက္ကော ကုသလော ဓမ္မော သဝိတက္ကဿ ကုသလဿ ဓမ္မဿ ဟေတုပစ္စယေန ပစ္စယော. သဝိတက္ကော ကုသလော ဓမ္မော အဝိတက္ကဿ ကုသလဿ ဓမ္မဿ ဟေတုပစ္စယေန ပစ္စယော. သဝိတက္ကော ကုသလော ဓမ္မော သဝိတက္ကဿ ကုသလဿ စ အဝိတက္ကဿ ကုသလဿ စ ဓမ္မဿ ဟေတုပစ္စယေန ပစ္စယော. (၃)

အဝိတက္ကော ကုသလော ဓမ္မော အဝိတက္ကဿ ကုသလဿ ဓမ္မဿ ဟေတုပစ္စယေန ပစ္စယော. (၁)

သဝိတက္ကော ကုသလော ဓမ္မော သဝိတက္ကဿ ကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

အဝိတက္ကော ကုသလော ဓမ္မော အဝိတက္ကဿ ကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ.

သဝိတက္ကော ကုသလော စ အဝိတက္ကော ကုသလော စ ဓမ္မာ သဝိတက္ကဿ ကုသလဿ ဓမ္မဿ အာရမ္မဏပစ္စယေန ပစ္စယော။ တီဏိ (သံခိတ္တံ).

၂၆. ဟေတုယာ စတ္တာရိ၊ အာရမ္မဏေ နဝ၊ အဓိပတိယာ နဝ (ဟေဋ္ဌာ တီသု သဟဇာတာဓိပတိ၊ အဝိတက္ကေ ဧကံ၊ သဟဇာတာဓိပတိ)၊ အနန္တရေ နဝ၊ သမနန္တရေ နဝ၊ သဟဇာတေ ဆ။ပေ။ ဥပနိဿယေ နဝ၊ အာသေဝနေ နဝ၊ ကမ္မေ စတ္တာရိ၊ အာဟာရေ စတ္တာရိ၊ ဣန္ဒြိယေ စတ္တာရိ၊ ဈာနေ ဆ၊ မဂ္ဂေ ဆ၊ သမ္ပယုတ္တေ ဆ၊ အတ္ထိယာ ဆ၊ နတ္ထိယာ နဝ၊ ဝိဂတေ နဝ၊ အဝိဂတေ ဆ (သံခိတ္တံ).

နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ စတ္တာရိ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရံ၊ ဧဝံ ဝိတ္ထာရေတဗ္ဗံ.)

အကုသလပဒံ

၂၇. သဝိတက္ကံ အကုသလံ ဓမ္မံ ပဋိစ္စ သဝိတက္ကော အကုသလော ဓမ္မော ဥပ္ပဇ္ဇတိ ဟေတုပစ္စယာ. သဝိတက္ကံ အကုသလံ ဓမ္မံ ပဋိစ္စ အဝိတက္ကော အကုသလော ဓမ္မော ဥပ္ပဇ္ဇတိ ဟေတုပစ္စယာ. သဝိတက္ကံ အကုသလံ ဓမ္မံ ပဋိစ္စ သဝိတက္ကော အကုသလော စ အဝိတက္ကော အကုသလော စ ဓမ္မာ ဥပ္ပဇ္ဇန္တိ ဟေတုပစ္စယာ. (၃)

အဝိတက္ကံ အကုသလံ ဓမ္မံ ပဋိစ္စ သဝိတက္ကော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁)

သဝိတက္ကံ အကုသလဉ္စ အဝိတက္ကံ အကုသလဉ္စ ဓမ္မံ ပဋိစ္စ သဝိတက္ကော အကုသလော ဓမ္မော ဥပ္ပဇ္ဇတိ ဟေတုပစ္စယာ. (၁) (သံခိတ္တံ.)

၂၈. ဟေတုယာ ပဉ္စ၊ အာရမ္မဏေ ပဉ္စ (သဗ္ဗတ္ထ ပဉ္စ)။ပေ။ အဝိဂတေ ပဉ္စ (သံခိတ္တံ).

၂၉. သဝိတက္ကံ အကုသလံ ဓမ္မံ ပဋိစ္စ သဝိတက္ကော အကုသလော ဓမ္မော ဥပ္ပဇ္ဇတိ နဟေတုပစ္စယာ. (၁)

အဝိတက္ကံ အကုသလံ ဓမ္မံ ပဋိစ္စ သဝိတက္ကော အကုသလော ဓမ္မော ဥပ္ပဇ္ဇတိ နဟေတုပစ္စယာ. (၁)

သဝိတက္ကံ အကုသလဉ္စ အဝိတက္ကံ အကုသလဉ္စ ဓမ္မံ ပဋိစ္စ သဝိတက္ကော အကုသလော ဓမ္မော ဥပ္ပဇ္ဇတိ နဟေတုပစ္စယာ. (၁) (သံခိတ္တံ.)

၃၀. နဟေတုယာ တီဏိ၊ နအဓိပတိယာ ပဉ္စ၊ နကမ္မေ တီဏိ။ပေ။ နဝိပ္ပယုတ္တေ ပဉ္စ. (သံခိတ္တံ. သဟဇာတဝါရာဒိ ဝိတ္ထာရေတဗ္ဗော.)

၃၁. သဝိတက္ကော အကုသလော ဓမ္မော သဝိတက္ကဿ အကုသလဿ ဓမ္မဿ ဟေတုပစ္စယေန ပစ္စယော (သံခိတ္တံ).

၃၂. ဟေတုယာ တီဏိ၊ အာရမ္မဏေ နဝ၊ အဓိပတိယာ နဝ၊ အနန္တရေ နဝ။ပေ။ သဟဇာတေ ပဉ္စ။ပေ။ ဥပနိဿယေ နဝ၊ အာသေဝနေ နဝ၊ ကမ္မေ တီဏိ၊ အာဟာရေ တီဏိ။ပေ။ ဈာနေ ပဉ္စ၊ မဂ္ဂေ ပဉ္စ၊ သမ္ပယုတ္တေ ပဉ္စ၊ အတ္ထိယာ ပဉ္စ၊ နတ္ထိယာ နဝ။ပေ။ အဝိဂတေ ပဉ္စ (သံခိတ္တံ).

အဗျာကတပဒံ

၃၃. သဝိတက္ကံ အဗျာကတံ ဓမ္မံ ပဋိစ္စ သဝိတက္ကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

အဝိတက္ကံ အဗျာကတံ ဓမ္မံ ပဋိစ္စ အဝိတက္ကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ.

သဝိတက္ကံ အဗျာကတဉ္စ အဝိတက္ကံ အဗျာကတဉ္စ ဓမ္မံ ပဋိစ္စ သဝိတက္ကော အဗျာကတော ဓမ္မော ဥပ္ပဇ္ဇတိ ဟေတုပစ္စယာ။ တီဏိ (သံခိတ္တံ).

၃၄. ဟေတုယာ နဝ၊ အာရမ္မဏေ နဝ။ပေ။ ပုရေဇာတေ အာသေဝနေ ဆ။ပေ။ အဝိဂတေ နဝ (သံခိတ္တံ).

နဟေတုယာ နဝ၊ နအာရမ္မဏေ တီဏိ၊ နအဓိပတိယာ နဝ။ပေ။ နပုရေဇာတေ နဝ။ပေ။ နကမ္မေ စတ္တာရိ၊ နဝိပါကေ နဝ၊ နအာဟာရေ ဧကံ၊ နဣန္ဒြိယေ ဧကံ၊ နဈာနေ ဧကံ၊ နမဂ္ဂေ နဝ၊ နသမ္ပယုတ္တေ တီဏိ၊ နဝိပ္ပယုတ္တေ ဆ။ပေ။ နောဝိဂတေ တီဏိ (သံခိတ္တံ. သဟဇာတဝါရမ္ပိ။ပေ။ သမ္ပယုတ္တဝါရမ္ပိ ဝိတ္ထာရေတဗ္ဗံ).

၃၅. သဝိတက္ကော အဗျာကတော ဓမ္မော သဝိတက္ကဿ အဗျာကတဿ ဓမ္မဿ ဟေတုပစ္စယေန ပစ္စယော။ တီဏိ.

အဝိတက္ကော အဗျာကတော ဓမ္မော အဝိတက္ကဿ အဗျာကတဿ ဓမ္မဿ ဟေတုပစ္စယေန ပစ္စယော. (၁)

သဝိတက္ကော အဗျာကတော ဓမ္မော သဝိတက္ကဿ အဗျာကတဿ ဓမ္မဿ အာရမ္မဏပစ္စယေန ပစ္စယော (သံခိတ္တံ).

၃၆. ဟေတုယာ စတ္တာရိ၊ အာရမ္မဏေ နဝ၊ အဓိပတိယာ နဝ (သဗ္ဗတ္ထ နဝ)၊ ဥပနိဿယေ နဝ၊ ပုရေဇာတေ တီဏိ၊ ပစ္ဆာဇာတေ တီဏိ၊ အာသေဝနေ နဝ၊ ကမ္မေ စတ္တာရိ၊ ဝိပါကေ နဝ၊ အာဟာရေ စတ္တာရိ။ပေ။ ဈာနေ နဝ၊ မဂ္ဂေ နဝ၊ သမ္ပယုတ္တေ ဆ၊ ဝိပ္ပယုတ္တေ ပဉ္စ၊ အတ္ထိယာ နဝ၊ နတ္ထိယာ နဝ၊ ဝိဂတေ နဝ၊ အဝိဂတေ နဝ (သံခိတ္တံ).

နဟေတုယာ နဝ၊ နအာရမ္မဏေ နဝ (သံခိတ္တံ).

ဟေတုပစ္စယာ နအာရမ္မဏေ စတ္တာရိ (သံခိတ္တံ).

နဟေတုပစ္စယာ အာရမ္မဏေ နဝ (သံခိတ္တံ).

(ယထာ ကုသလတ္တိကေ ပဉှာဝါရံ ဧဝံ ဝိတ္ထာရေတဗ္ဗံ.)