၁၇၁. ရာ နဿ ဏော

ရန္တတော ကြိယတ္ထာ ပစ္စယနကာရဿ ဏ ဟောတိ. ကရဏီယော.

ဘရ=ဘရဏေ၊ ဘရီယတီတိ ဘရိတဗ္ဗော ဘရဏီယော. ဂဟ=ဥပါဒါနေ ‘‘မံ ဝါ ရုဓာဒီနံ’’တိ အန္တသရာ ပရောမံ ဝါ ဟောတိ. မကာရော+နုဗန္ဓော. ‘‘ဏော နိဂ္ဂဟီတဿာ’’တိ နိဂ္ဂဟီတဿ ဏော၊ သံဂယှတီတိ သံဂဏှိတဗ္ဗော သံဂဏှနီယော၊ ‘‘တထနရာ’’ဒိနာ ဏကာရေ ဂဟဏီယော. ရမ=ကီဠာယံ၊ ရမီယတီတိ ရမဏီယော ဝိဟာရော. အာပ=ပါပုဏနေ၊ ‘‘သကာပါနံ ကုကကူ ဏေ’’တိ ဧတ္ထ ‘သကာပါနံ ကုက+ကူ’တိ ယောဂဝိဘာဂါ ကု၊ ဦအာဂမေ နာဂမဿ ဏေ စ ကတေ ပါပီယတီတိ ပါပုဏိတဗ္ဗော. ပရရူပေ ပတ္တဗ္ဗော၊ ပါပုဏနီယော၊ ပါပနီယော.