၃၊၉၄. အာ သံချာယာ သတာဒေါ နာညတ္ထေ

သံချာယ+မုတ္တရပဒေ ဒွိဿာ ဟောတိ အသတာဒေါ နာညတ္ထေ.

အာဝိဋ္ဌလိင်္ဂတ္တာ သံချာယံ ဥတ္တရပဒေ သလိင်္ဂေနေဝ ဝိသေသနံ ဘဝတိ.

သုဒ္ဓံ မိဿဉ္စ သံကိဏ္ဏံ၊ ဥပသဇ္ဇနမေဝ စ၊

အာဝိဋ္ဌ+မထ ဝါ+ဗျတ္တံ၊ ဆဓာ လိင်္ဂံ ဝိဝံယတေ.

ဧတ္ထ ယထာက္ကမံ ရုက္ခော လတာ ပဏ္ဏံတိ သုဒ္ဓံ. ဃဋော ဃဋီ၊ ဝဇိရော ဝဇိရံ၊ ဝေဒနာ ဝေဒနံတိ မိဿံ. တဋော တဋီ တဋံတိ သံကိဏ္ဏံ. သုက္ကော ပဋော၊ သုက္ကာ ပဋိ၊ သုက္ကံ ဝတ္ထံတိ ဥပသဇ္ဇနံ. ရာဇာ သရဏံ၊ ဂုဏော ပမာဏံတိ အာဝိဋ္ဌံ. တုဝံ အဟံ ကတိ ပဉ္စာတိ အဗျတ္တံ. ဣတိ လိင်္ဂံ ဝေဒိတဗ္ဗံ. ဒွါဒသ.