၉၀. ပဉ္စာဒီနံ စုဒ္ဒသန္န+မ

ပဉ္စာဒီနံ စုဒ္ဒသန္နံ သုနံဟိသွ ဟောတိ. ဧတ္တ+ဒီဃာပဝါဒေါ+ယံ. အပဝါဒတိ ဗာဓေတီတိ အပဝါဒေါ. တသ္မာ ‘‘ပကပျာပဝါဒဝိသယမုဿဂ္ဂါ အဘိနိဝိသန္တေ’’တိ ဉာယာ ‘‘သုဟိသွ+ဿေ’’ ‘‘သုနံဟိသု’’တိ စ ဥဿဂ္ဂါ ‘‘ပဉ္စာဒီနံ စုဒ္ဒသန္န+မ’’ ဣတိ အပဝါဒဝိသယံ န ပဝိသန္တိ၊ သာမညတ္တာ. ဧဝ+မုပရိပိ ‘‘ပဉ္စမိယံ ပရဿ’’ ‘‘အာဒိဿာ’’တိ. ပဉ္စဟိ ပဉ္စဘိ ပဉ္စန္နံ. ပဉ္စန္နံ. ပဉ္စသု. ဧဝံ ဆာဒယော အဋ္ဌာရသန္တာ.

‘‘စတ္ထေ’’တိ ဧကော စ ဒသ စာတိ စတ္တသမာသေ ‘‘အမာဒီ’’တိ ဧကေန အဓိကာ ဒသာတိ တတိယာသမာသေ ဝါ ကတေ ‘‘ဧကတ္ထတာယ’’န္တိ ဝိဘတ္တိလောပေါ. ဧဝ+မုပရိ စ.