၆၈. ဏွာဒ

ဏွာဒယောတိ ‘ဏွာဒယော’စ္စနေန သုတ္တေန. ကတိပယဓာတွာဒိပရိဂ္ဂဟေနာတိ ဓာတဝေါ ပကတိဘူတာ အာဒီ ယေယံ ကာလာဒီနံ တေ ဓာ တွာဒယော တေသံ ပရိဂ္ဂဟေနာတိ အတ္ထော. ကာလော ဝတ္တမာနာဒိ၊ ကာရကံ ကတ္တာဒိ ပကံသေန နိယမေန ပစ္စယော ကရီယတေ ဧတသ္မာတိ ပကတိ. ကာကြိယံ အာယုကာဒိ.

ကာရိယဝိသေသန္တိ အာဒေသာဒိကာရိယဝိသေသံ. ကာရု သိပ္ပိဇာတိ ဝိသေသော. တစ္ဆကာဒယော (တစ္ဆကကမ္မ) ကာရတန္တဝါယရဇကနဟာပိတာ ပဉ္စ ကာရဝေါ စာရုဒါရုတိ ဝတ္တမာနေ ကာလနိယမေနာညတြာပိ ဘဝိဿတိ. ဧဝံ ကာရုအာဒီသုပိ.