၅. ဟရာ

နိယမေနေစ္စာဒိနာ ဝစနာရမ္ဘဿ ပယောဇနမာဟ၊ သာပိ တတိယာပိ [ဒုတိယာပိတိ ဝတ္တဗ္ဗ] ယဒါတွိစ္စာဒိနာ ဟရတိ နာဟာရတ္ထေ [နဟရတျတ္ထေ (ပေါတ္ထကေ)] တိပိ ဝိညာပေတိ၊ ဥဘယတ္ထာတိ ဒုတိယာယ ပတ္တာယ အပ္ပတ္တာယ စ၊ ဝိဘာသာ ဝိကပ္ပေါတိ အတ္ထော၊ ကာရေတိကရ-ကရဏေ၊ လေတ္တာယာဒေသာတိလတ္တ ဧတ္တအယာဒေဿ၊ ဝဒ-ဝစနေ၊ အဘိဝဒနမဘိဝါဒေါ တံ ကရောတီတိ ‘‘ဓာတွတ္ထေနာမသ္မီ’’တိ (၅-၁၂) ဣမှိ နာမဓာတု ‘အဘိဝါဒိ’တိသုတ္တေ နိဒ္ဒိဋ္ဌောတိ အာဟ-‘အဘိဝါဒိသ္မာ’ဣစ္စာဒိ.