၃၈. အာမန္တ

အဘိမုခံ ကတွာတိအာဒိနာ ယောဂါရမ္ဘဿ ဖလံ ဒဿေတိ၊ နာမတ္ထေတိ သဒ္ဒတ္ထေ၊ ပဒတောတိ အာမန္တဏာဓိကအတ္ထမတ္တပ္ပကာသကပဒတော၊ ဟောန္တိ စေတ္ထ။

သိဒ္ဓဿာဘိမုခီကာရ [ဘိမုခီဘာဝ (ပေါတ္ထကေ)]၊ မတ္တမာမန္တဏံ သိယာ၊

အတ္ထော ကတာဘိမုခေါ ဟိ၊ ကြိယာယံ ဝိနိယုဇ္ဇတေ၊

အာမန္တဏံ န ဝါကျတ္ထော၊ ပဒတောဝ ပတီတိတော၊

နတ္ထေဝါမန္တဏံ လောကေ၊ ဝိဓာတဗ္ဗေန ဝတ္ထုနာ၊

တံ ယထာ ဘဝ ရာဇေတိ၊ နိပ္ပန္နတ္ထော ဘဝေတိ စ.

သိဒ္ဓဿာတိ ဒေဝဒတ္တတ္တာဒိနာ သိဒ္ဓဿ၊ အတ္ထောတိ ဒေဝဒတ္တာဒိ၊ ကတံ အာဘိမုချံ သမာဓာနံ ယေနာတိ ဝိဂ္ဂဟော၊ ကြိယာယံ ဝိနိယုဇ္ဇတေ ဂစ္ဆ ဘုဉ္ဇာတိ၊ အာမန္တဏံ နတ္ထိ။ ဣဒါနိ ဝိဓီယမာနတ္တေနာလဒ္ဓသတ္တိကဿာဘိမုခယိတုမသက္ကရူပတ္တာ၊ ဝိဓာတဗ္ဗေနာတိ နိပ္ဖါဒေတဗ္ဗေန.