၃၆. ဝိတိဿ

ဣတိသဒ္ဒေါ-နုကရဏံ. နိပါတဿ ပကတိဝိယာ-နုကရဏံ ဘဝတိ၊ အနုကရဏဉ္စ ဒွိဓာ အသာဓုသဒ္ဒရူပံ သာဓုသဒ္ဒရူပန္တိ၊ တေသု ဘာရဝါဟကော ကောစိ တေန ပီဠိတော ‘အဟော ဘာရော’တိ ဝတ္တဗ္ဗေ သတ္တိဝေကလ္လာ ‘အဟော ဗာလ’ ဣစ္စာဟ၊ တံသမီပဝတ္တီ ‘ကိမယမာဟေ’တိ ကေနစိ ပုဋ္ဌော သမာနော ‘အဟော ဗာလ ဣစ္စယမာဟေ’တိ ဝဒတိ၊ ဣဓမသာဓုသဒ္ဒရူပံ၊ ဣတီတိ ပန သာဓုသဒ္ဒရူပံ၊ တသ္မာ တတော-နုကာရိယေနာတ္ထေန သာတ္ထကတ္တာ ဌာနသမ္ဗန္ဓေ ဆဋ္ဌီ.