၇. ပဉ္စ

သဇာတျပေက္ခာယ သမုဒါယဝါစိတ္တေပိ ကာဒယောတီ အနုဝတ္တနတော ဝဂ္ဂသဒ္ဒေန ကခဂဃဉာဒယောဝ ဂယှန္တိ၊ ပဉ္စ ပရိမာဏမဿ ပဉ္စကောဝဂ္ဂေါ၊ ‘‘တမဿ ပရိမာဏံ ဏိကော စာ’’တိ (၄-၄၁) ကော၊ သုတ္တေ အာဒိဘူတော ပဉ္စသဒ္ဒေါ ပဉ္စသင်္ချာပရိစ္ဆေဒံ ကုရုမာနော မာဝသာနာနံ ဝဂ္ဂါနံ ဗဟုတ္တံ ဂမေတီတိ ‘ပဉ္စကာ’တိ ဝုတ္တံ၊ ဝဂ္ဂါတိ ဗဟုဝစနတော ပစ္စေကန္တိ ဝိညာယတိ၊ ဝဇ္ဇေန္တိ ယကာရာဒယောဘိ ဝဂ္ဂါ၊ ပဌမက္ခရဝသေန ပန ကဝဂ္ဂါဒိဝေါဟာရော.