၁၀. အဓိကရဏသမထသုတ္တံ

၈၄. ‘‘သတ္တိမေ၊ ဘိက္ခဝေ၊ အဓိကရဏသမထာ ဓမ္မာ ဥပ္ပန္နုပ္ပန္နာနံ အဓိကရဏာနံ သမထာယ ဝူပသမာယ. ကတမေ သတ္တ? သမ္မုခါဝိနယော ဒါတဗ္ဗော၊ သတိဝိနယော ဒါတဗ္ဗော၊ အမူဠှဝိနယော ဒါတဗ္ဗော [ပဋိညာတကရဏံ၊ ယေဘုယျဿိကာ၊ တဿပါပိယျဿိကာ၊ တိဏဝတ္ထာရကော (သျာ.) ဒီ. နိ. ၃.၃၃၂ သင်္ဂီတိသုတ္တေန စ ပါစိ. ၆၅၅ ဝိနယေန စ သံသန္ဒေတဗ္ဗံ]၊ ပဋိညာတကရဏံ ဒါတဗ္ဗံ၊ ယေဘုယျသိကာ ဒါတဗ္ဗာ၊ တဿပါပိယသိကာ ဒါတဗ္ဗာ၊ တိဏဝတ္ထာရကော ဒါတဗ္ဗော [ပဋိညာတကရဏံ၊ ယေဘုယျဿိကာ၊ တဿပါပိယျဿိကာ၊ တိဏဝတ္ထာရကော (သျာ.) ဒီ. နိ. ၃.၃၃၂ သင်္ဂီတိသုတ္တေန စ ပါစိ. ၆၅၅ ဝိနယေန စ သံသန္ဒေတဗ္ဗံ]. ဣမေ ခေါ၊ ဘိက္ခဝေ၊ သတ္တ အဓိကရဏသမထာ ဓမ္မာ ဥပ္ပန္နုပ္ပန္နာနံ အဓိကရဏာနံ သမထာယ ဝူပသမာယာ’’တိ. ဒသမံ.

ဝိနယဝဂ္ဂေါ အဋ္ဌမော.