၅. ကသိဏသုတ္တံ

၂၅. [ဒီ. နိ. ၃.၃၄၆၊ ၃၆၀၊ အ. နိ. ၁၀.၂၉] ‘‘ဒသယိမာနိ၊ ဘိက္ခဝေ၊ ကသိဏာယတနာနိ. ကတမာနိ ဒသ? ပထဝီကသိဏမေကော သဉ္ဇာနာတိ ဥဒ္ဓံ အဓော တိရိယံ အဒွယံ အပ္ပမာဏံ၊ အာပေါကသိဏမေကော သဉ္ဇာနာတိ။ပေ။ တေဇောကသိဏမေကော သဉ္ဇာနာတိ။ ဝါယောကသိဏမေကော သဉ္ဇာနာတိ။ နီလကသိဏမေကော သဉ္ဇာနာတိ။ ပီတကသိဏမေကော သဉ္ဇာနာတိ။ လောဟိတကသိဏမေကော သဉ္ဇာနာတိ။ ဩဒါတကသိဏမေကော သဉ္ဇာနာတိ။ အာကာသကသိဏမေကော သဉ္ဇာနာတိ။ ဝိညာဏကသိဏမေကော သဉ္ဇာနာတိ ဥဒ္ဓံ အဓော တိရိယံ အဒွယံ အပ္ပမာဏံ. ဣမာနိ ခေါ၊ ဘိက္ခဝေ၊ ဒသ ကသိဏာယတနာနီ’’တိ. ပဉ္စမံ.